زوج اختي ضربها كف على شي تافه

السلام عليكم
بدخل بالموضوع .. اختي كلمتني من يومين زعلانه مره وتقول ابي اروح لأهلي
هي متزوجه لها ٤ سنين وفي مدينه بعيد عن اهلي ومن تزوجت تقول ولا عمره زوجها اخذها معاه عند زوجات اصدقائه يقول لها عندك قرايب او صديقات وديتك لهم بس اصدقائي ماله داعي وهي ماعندها قرايب كثير وملت من الوحده وزوجها سهرات كل يوم مع صديقه وكل يوم يجيب لها تصريفه مره يقول هم مو من ثوبنا ماينفع تتعرفين عليها ومره يقول المره مشغوله مع اهلها مو اجتماعيه ومره يقول بعدين اعرفك عليها اذا حصلت فرصه المهم هي طنشت الموضوع بس تقول جاء في بالي انه اتعرف عليها بنفسي نتشاكى ونتواسى مع بعض المهم سألت زوجها وش اسمها زوجة صديقك وبعدين خذت رقمها من نمبر بوك وارسلت لها واتس اسفه على الازعاج واتمنى ماتتضايقين مني انا زوجة فلان وكذا وهذيك رحبت فيها والله يحييك عندي البيت قالت اختي البيت كلفه بس نتقابل بمول لو بغينا المهم اختي تقول انشغلت بعدين تسوي غداها ونامت وجاء زوجها متأخر ونست تقول له وبالليل اتصل عليها يقول انتي صدق مكلمه زوجة صديقي قالت ايه وتضحك تحسبها مفاجئه واكشن تقول عصب عليها مره وقام يهوش ويسب وكيف تكلمينها بدون اذني تقول حلفت له اني كنت بقولك بس نسيت وهو يتهمها انها مخططه على شي وتبي تقابلها من ورا زوجها وهي تحلف انها ماتبي تقابلها بس تبي تتعرف عليها ويسولفون ومن هالكلام وطالت السالفه بينهم يومين واليوم الثاني جاها معصب يقول ليش اعرف من الرجال قالت له والله كنت بقولك بس نسيت ويقول انتي جبتي لي العار وفشلتيني من خويي حشى كأنها مكلمه رجال المهم تقول بعدها قال الله يلعـ .... امك الف مره .... هنا اختي تقول انهبلت وقامت تصيح ليش تلعن امي وش سويت انا وربي يشهد علي نيتي صافيه مع الحرمه ولا اشوفه غلط وقام عطاها كف قو على اذنها بس وصلت يده لراسها وخدها يعني خذا معاه كم عضو وهو ماشي تقول بعدين جلست ع الكنب وانا ابكي ويكلمني يهاوش وما ارد عليه وضربها على يدها المهم كبرت السالفه وقالت له تبي تروح لأهلي وماعاد تبيه ويزيد ويعيد عليها كلمتي من وراي يعني تسوين اي شي من وراي
انا صراحه ماعرفت شقولها انا ما اشوفها غلطانه ابد يعني احنا عندنا عادي بس يمكن الرجال يشوفونه غلط هالحركات قلتلها استخيري قبل تروحين لأهلي لأنها عندها اطفال وبنفس الوقت زوجها نذل ماينفع تخليه كذا وابوي ماينفع يعرف بالموضوع خوفي يتعب
شوركم في السالفه اختي غلطانه والا زوجها وايش تسوي