كوبونات الراقية تسجيل الدخول

أحزان ..لا تنتهي

زوج اختي والحل معه ؟؟؟؟

الأسرة والمجتمع •

السلام عليكم ورحمة الله وبركاته
اخواتي اريد استشارتكم في موضوع صار لي هذا الاسبوع واعذروني اذا طولت عليكم
وهو ( انا عندي اختي الكبيره الله يحفظها ويستر عليها هي متزوجه من زمان وعندها عيال الله يصلحهم ويهديهم وهي ما اقدر اقول لكم انها اخت فقط لا هي اعز انسانه واحبها مثل نفسي وعلاقتي معها غير اخواتي الثانيات
صار وانها تعينت في منطقة بعيده عن زوجها وعمله
وما عاد اشوفها غير في الصيفيات عند اهلي وزوجها يحبها وهو طيب معها وهي نفس الشي تحبه وتغااااااار عليه ( قولوا ما شاء الله الله يسعدكم اذكروا الله )
وانا متزوجه لي فتره وعندي اطفال الله يصلحهم
المشكله يا اخواتي
ان يوم من الايام طلع زوجي يودي الاولاد للمدرسه وراح هو لدوامه في صباح ذاك اليوم انا خلصت شغلي ورجعت انام واذا الساعه 8 وربع في الصبح جوالي يرن قلت مدارس عيالي قمت واشوف رقم زوج اختى والله يا بنات ما قدرت اقوم من مكاني من الخوف قلت اختي صار فيها شي حاولت اتماسك وارد ولما رديت سلم وسال عن الحال قلت عساه خير اختي وعيالها بخير قال ايه هم بخير لكن يا ام فلان ابغا منك خدمه قل تفضل قال انا في ابها ( طبعا هو في منطقه تبعد عن ابها 300 كيلو متر )
قال وابغا اطلب منك طلب قلت أمر قال انا ابغا قهوه ترمس قهوه علشاني مسافر وعندي شغله في ابها واخلصها وارجع من نفس اليوم قلت ما طلبة شي وجهزة له قهوه وبعد نصف ساعه اتصل وقال انا عند الباب وانتبهي تقولي لزوجك اني جيت عندكم علشان ما يمسكني للغداء وانا مشغول قلت براحتك وحلفني ما اقول لزوجي قلت خلاص
وبعدها اتصل يشكرني على القهوه
طبعا انا:oمن اتصاله الاول والثاني لأن احنا زوج الاخت ما يمون لهذي الدرجه بس قلت في نفسي صدقه ومسكين وما جاء في بالي اي فكره غير انه محتاج شي وطلبه وكان طلب عادي لكن بكونها اول مره لأنه في حياته ما اتصل بي ورقمه عندي لما كانت اختي تتصل من جواله احيانا
جاء بعدها بساعه اتصلت على زوجي وعلمته ان زوج اختي في ابها وعنده شغل وطلب مني هذا الشي قال بتصل عليه قلت شوف هو محلفني لكن اسكت شكله بيكلمك لما يخلص شغله .
قال زوجي بشي من التعجب اول مره اهم شي انك ما قصرتي سويتي له طلبه قلت اكيد
ولما صارت الساعه 12 رجع زوج اختي يتصل فيني وقال انا كلمت زوجك وانا طالع من ابها علشان ما يزعل ويقول ليش تروح البيت من دون علمي :p
قلت خلاص صار خير وبعدين البيت بيتك ( وليتني ما قلت ذا الكلمه :44:)
المهم جاء اليوم الصباح في نفس موعد اتصاله الأول لما راح زوجي وعيال لمدارس وقمت رديت عليه وقال معليش يا ام فلان انا في موضوع ابغا اسألك فيه قلت وشوا المهم سؤااااااال مااااااله داعي اخواتي حتى انا انحرجت اجاوبه لكن حسيت اني بنفجر نصفين منه ومن سؤاله هذا :mad: وقلت شوي وبيقفل وصار يشكي من اختي ويقول نفسيتها تعبانه علشان النقل ما نقلوها واتصلي عليها وخففي عليها لكن لا تقولين اني اتصلت عليك وطلبتك هذا الطلب قلت ان شاء الله
المهم قام يسولف يا اخواتي سواليف ممممله وما لها داعي وبكل قوة وجه جاء يقول والله يا احزان ان اختك تقول انك تعزيني وتحبيني :oيؤيؤيؤ قلت له وانا زعلانه انت في حسبة واحد من اخواني لا اقل ولا اكثر ويش ذا الكلام لا يا اخواتي صار يقول انتبهي لنفسك ولا عاد تتكشخين علشان ما تصيبك العين ........ الخ
وانا ساكته والله ما عاد رديت جلس شوي وقال ويش رايك تجي تزورين اختك قلت خير ان شاء الله اكلم زوجي وارد عليك نجي خميس وجمعه وانت جيب اختي من المنطقه الا هي فيها واشوفها قال عادي اذا زوجك مو فاضي اجي انا واخذك واسوي مفاجاء لأختك :eek: قلت لالالا انا ما روح غير مع زوجي وانا بنسق معه وارد عليك قال خلاص وانا بنتظرك ( قوة وجه عجيبه ) بعده قفل واجي احاول احلل الكلامه لقيته ما له داعي
المهم رجع بعد ساعه يتصل وما رديت عليه ورجع ثاني مره يتصل حتى صار عندي 5 مكالمات لم يرد عليها قلت في نفسي الله يخارجني منه اتصلت عليه وانا معصبه قال وينك ما تردين قلت كان الجوال بالشاحن وانا مو فاضيه عندي شغل قال خلاص شوفيني انتظر اتصالك علشان تعلمين اذا بتجون او اجي اخذكم:44: قلت خير بكلم زوجي
خواتي انا طرحت هذي المشكله علشان تساعدوني مو قادره اكلم اختي واقول لها باتصالات زوجها الا ما لها داعي ولا مناسبه واخاف تاخذ مني موقف اذا درت اني اكلمه علما والله اني ما تعديت حدود الادب معه وربي يشهد
والشي الثاني اخاف زوجي يوصله خبر الاتصالات هذي من وره ويبداء يشك
الشي الثالث اخاف بكره زوج اختي يتصل ولا ارد عليه يقوم يحرمني من اختي ولا عاد يجيبها عندي او اجتمع فيها
تكفون سااااااعدوني اعطوني حل والله مقدر اخذ قرار ولا اقدر اكلم احد يساعدني غير الله ثم انتوا
والله يجزاها الجنة من تدخل وتترك نصيحه

111
50K

يلزم عليك تسجيل الدخول أولًا لكتابة تعليق.

تسجيل دخول

زائرة •
لاحول ولاقوة الا بالله
لاتقولين لاختك ولا لزوجك عن اللي صار ولعد تردين عليها نهااائي
فتاة الهمم
فتاة الهمم •
الله يكون بعونك

اقطعي الاتصال فبه نهائياً انتبهي اذا اتصل لاتردي عليه

وقولي لزوجك وغيري رقمك


وابعدي عنه بصراحه تصرفاته مريبة جداً

والله يحفظك
@هجوري@
@هجوري@ •
اذا تقدرين تغيرين رقمك اوكي واذا ماتقدرين اطوي الصفحه ولا تردين عليه ولا تقولين لاحد على صار انتبهي الله يكفيك شره
woman_ss
woman_ss •
طنشيه ولا عاد تردين على مكالماته ولا تقولين لا لزوجك ولا اختك تري لو اعطيتيه وجه بيخرب حياتك
نخلة مثمره
نخلة مثمره •
حبيبتي اسمحيلي زوج اختك جالس يتلطف معك ويتودد وهو رجال يعني تفكيره بيررروح بعيد.........

انتي لاتردين عليه نهائيا نهائيا وصدقيني عدم ردك عليه مستحيل يخليه يمنعك من اختك

وسامحيني ممكن تكون هذه المكالمات خطوه من خطوات الشيطان بنسبه له

انا فاهمه وضعك لو انتي عائله فرررريه ومن النوع تجلسون مع بعض او ميانه....بقولك عادي ومافيها شي اذا دق عليك

لكن اذا انتو مافي ميانه ويجي حاضرته ويعمل كذه ..........صدقيني قصده شي

وانتبهي حبيبتي بكره زوجك يشك وتنحطين في موقف لاتحسدين عليه


وصدقيني لو يدق ويكلمك ويجي زوجك او اختك من ملامح وجهك بيحسون انه فيه شي حتى لو كنتي مش قاصده
ونيتك طيبه ............

اختك لاتقولين لها ولاتقولين حق زوجك

بس انتبهي غيري تلفونك ولا لاتردين عليه


والله يوفقك حبيبة قلبي..........
بس الحياء