ياقلبي ابقولك نصيحه من قلب قولي لزوجك ان زوج اختي كلمني يقول فلانه نفسيتها تعبانه وتعالي واسيها . وخلي وزجك يدق عليه ويسلم عليه ويقوله ليه يوم انك تمر ماتسلم ولاتغدى وانا فلانه تقول انك تقول زورون وان شاء الله بنزوركم وماهو لازم تروحون واذا قال زوجك بروح صرفيه لين ينسى الموضوع بس علشان يعرف زوج اختك اتك تعلمين زوجك بكل شي .انا اعرف واحده استغل موظف سفر زوجها وكان عندها شغل لازم تخلصه وكانت تلاحظ من كلام الموظف مثل طريقة زوج اختك فكانت تتصل على زوجها تقوله على شغلها وانه عند الموظف فلان بس ماتخبر زوجها بطريقة تعامل الموظف تقول كان يرسل لي رسائل بالمناسبات فحذفهن وماعلم احد فلم انتهت المعامل دقيت على زوجي وقلت اشكر الموظف فلان خدمنا بالمعامله ماقصر والموظف مادرى ان زوجها داري عن المعامله فتصل زوجها وشكره وقال اني مانسى فزعت ونجازك لمعامله اهلي وان تري معكم من بداية المعامله وكانت ام فلان تدق علي وتخبرني بكل شي فهو تفاجى ان زوجها يعرف انه يكلمها ومن ذاك اليوم تقول عمره مادق علي وعرف اني ماني حقت لعب

اختي هذا مو صااااحي ,,, اسمحي بالعربي منتهي
يدق عليك اانتي عشان تحضرين له القهووة
انا اخبر الناس تدق ع الرجال و تقوول يا ليت تخلي اهلك يحضرون لي قهوووة
و زوجك راح يقولك وحتى لو حلف عليه للغداء
يقدر يقوله انه ما يقدر

اختي الوضع مو سهل مثل ما انتي تشوفينه
هذا بدااية الحرااام وخراااب البيوت
لا تستهين بكلمة وثلاجة قهوة مدري شااي

ترا البداااية بدت من نفس الطريقة ,, وبعدها ما تدرين يمكن يقولك اذا ما رديت علي بقول لزوجك ,, ويقعد يستدرجك بالتهديد ,, الين ياخذ اللي يبي وبعدها يشووتك
هذا الرجال الوسخ ,, قمة الحقااارة والانحاط ,, والاخلاق االمنحلة

نصيحتي لك يا وخيتي انتي لسة توك في البدااية ونيتك نظيفة وطيبة
وعلاقتك باختك واضحة انها قوووية ما شاء الله
الله يديمها عليكم ان شاء الله

هو الان منتظر رد منك صح ع انك بتروحي لاختك ,,
انا ااقولك الرد الحكيم اللي بيطلع من مراة حكيمة مثلك
خلي زوجك اللي يرد عليه ,, صدقيني راح يستحي ع وجه اذا كان فيه دم اصلا
بس راح يعرف انك شريفة و مو راعية الاشياء هذا
ادري هو مو قصده يختبرك ,, بس يمكن يبي شيء
واضح اصلا ,, واستغل حبك لاختك
قال هذه اسهل طريقة

مثل ما قلت لك ,, لا تخسرين بيتك وقبلها اختك
صدقيني ما راح تنسااها لك
مع انك ما سويت شيء ,, ومع انك تحبينها

بس انصحك قولي لزوجك ,, بس لا تهولين الموضوع
لا بس قولي له انه زوج اختي دق علي
وينتظر منك رد عشان اذا نقدر نزور اختي او لا

نصيحة لك لا تقولين لاختك مهما كاان ,, ترا بيحز في خااطرها
وما راح تنسااها

انتي قولي لزوجك اهم شيء

والله يوفقك ويهديك ويكفيك شر زوجك اختك اللهم امييين

إنتبهي لنفسك

قولي له اوارسلي له الله يحزاك خير زوجي ما يرضى اتكلم كثير مع رجل اجنبي مهما كان ولوعرف راح تصيرمشكلة واناما احب اخالف اوامره فلا تحرجني وتوقعني بمشاكل منفضلك لا تتصل

يأختي كيف يصير كل هذا الكلام وش ذا الأحساس ؟
أنتي الى الان مافهمتي ايش نيته ؟
فيه رجل يكلم أخت زوجته بهذي الوقت وبهذا الشكل ؟حتى لو يبغى شاي يكلم زوجته وهي تطلب منك والدليل على نواياه الخفيه كثرة اتصالاته واعذاره التافهه
اختي لا تزعلين مني لو انا مكان اختك وعرفت انت في نظري غلطك اكبر منه كيف تعطينه وجه كل مه رديتي عليه وسمعتيه؟ المفروض من البدايه تتجاهلينه
تراه مره صعب خيانة الزوج كيف لاصارت مع اختي ؟ حتى بالكلام
افتحي صفحه جديدة ولاعاد تردين ابدا ابدا ولا يقدر يبعدك عن اختك مستحيل يخاف انك تقولين السبب
وحتى لو فعل وابعدها عنك فمن ترك شئ لله عوضه الله خيرا منه والله راح يقربها منك لو بالاتصالات