يابسبوووسة إلحقي عمرررررررررررررك الموضوع أكبر من إنو يظل متخبي

صديقتك ماسألتك إذا كانت سيارة زوجك موجوة بهالوقت تحت وإلا لا لما قلتي لها إنو زوجها طلب رقمك إلا وهي مقروصة من خيانات زووجها

أولا أمسكي زووجك وقولي له اللي صار من الألف للياء بصددددددددددددق

مع إني مستغربة منك الله يهديك يابنت العم كيف تعطين شخص غريب رقمك بدون علم زوجك

أوكي ماأختلفتا حشرررك وقتها بحجة إنو بيسألك عن امور تخص توظيفك مو مشكلة .. لكن بعدها على طووول ليش مادقيتي على زوجك وقلتي له السالفة كيت وكيت وطلب رقمي وعطيته وحطيتيه بالصورة من أولها

عشان يثق فيك وتكبرين بعينه ويكون بالموضوع أول بأول


المهم مهما كانت ردة فعل زووجك عصب أو هجرك فترة تحملي المهم خبريه بالصدق وبكل التفاصيل

والسالفة بتكبر بتكبر يؤسفني أخبرك بهالكلام


صارت هالسالفة لزوجة أخووي وااحد من جماعتنا متزوج من 7 سنوات تقريبا وأخوي توه ماله سنة متزوج كلهم ساكنين بنفس العمارة

أيامها كانت الجوالات توها بدأت تنتشر بين الناس وأخوي ماعنده غير تلفون بالبيت وجوال له زوجته مامعها جوال

جارهم هذا كان يحاااول يطيح الميانة بينه وبين زوجة أخووي قدام أخووي ويحاول يخفف دمه مثلا يسولف مع أخووي ويحش بالحريم ووو ( وأخوي معتبره زي أخووه الكبير ومحترمه لكن من داخله يقول وش يحس فيه هذا ؟؟!)

دوام أخوي كان بشركة ومايرجع البيت إلا 5 ونص قبل المغرب فكانت أحيانا تجي من مدرستها عندنا وأحيانا نحنا نروح معها بيتها أنا أو اختي اللي بعمرها وأحيانا كمان تجلس لوحدها ببيتها

لكن لما شافت إنو هالآدمي وصلت فيه الجرأة يدق على تلفون بيتها وأخوي مو موجود بحجة يطلب أوراق ومعاملات مفروض يخلصها له أخوي هنا خاافت زوجة أخوي وأحسن شيء عملته إنو كانت كل شيء يصير أووووووووول بأول تدق على أخووي وتخبره وهي تبكككككككي رعبة وخووف << أياامها كانت الخيانة جرررررررررريمة ومصييييييييبة تفقد الوااحد مكانته وسمعته بين جماعته وماأحد يزوره ولايسأل عنه ولايشرفونه بالمناسبات << يصير منبوووذ من كل القبيلة

وفيه مرة كانت فيه عزومة عند أخوي على العشاء مسوية لأرحامه أهل زوجته جايينهم زيارة .. قالت لي زوجة أخوي أتصلي على جارتي أعزميها .. وأدق من التلفوون يابنات الرررنة ماكملت رفع السماعة حضرته !!

سمع صوتي مو صوت زوجة أخووي وانا لما سمعت صوت رجال غيرت نبرة صوتي خشنتها قلت ممكن أكلم أم فلااان قال من أقوولها << إسلووووب سخييييييييييف
قلت قولها جارتك اللي تحت

قال مين فلانة .؟؟ إشبو صوتك كذا << يحسبني زوجة أخوي بس مغيرة صوتي.. يبغى يفتح سيرة

قلت قول لها تتفضل عالعشاء عندنا .. وقفلت بوجهه

ورحت لزوجة أخووي وقلت لها الله لايلوووووووووووومك عاللي تقولينه لنا عن الحقير ذاا :@

بعدها ركب أخووي كاشف وقال لزوجته هذا رقم جواله وتلفون بيته إنتي عارفته لأنك متواصلة مع زوجته وبينكم صداقة .. هالرقمين لما تشوفينهم لاتردين على إتصالاتهم .. من هنا لما أطلع لك جوال

وفعلا ماكانت ترد لكن الحقير صار يتصل من مقر عمله وهي ببراءة ماتدري مين ترد ويبدأ عتاب الصديق ليش ماتردون على مكالماتنا << كأنو أنا وزوجتي اللي نتصل نبيك إنتي وزوجك مو أنا بس اللي أتصل خخخخخخخخخخخخخخ

طبعا أخووي تماسك وتحاامل وشفنا مواقف منه أفضع من كذا

لدرجة بالإجازة الصيفية حضرته متعود هو وزوجته وأهاليهم يقضونها بمكة كلها .. يستأجرون شقق بعمارة وااحدة لمدة شهرين طول الإجازة

هو كان يترك زوجته وعياله هناك عند أهلها أو أهله بالأيام ويرجع بيته .. كانت أنسب فرصة له تخلص من زوجته ,, وأخوي مرتبط بعمله .. والمسكينة زوجة أخوي كانت عايشة برعب وخوااااااااااااافة مرررة وماتعرف تتصرف .. لما صار أخوي يجي يأخذني أنا وأختي كل يوم من الليل عشان ننام عند زوجته أو يجيبها الفجر وهو مداوم عندنا تنام معنا بغرفتنا

هذاك اليوم كنت أنا عندها بروحي ودق التلفوون برقم بيته أكثر من مرررة
وكل مادق هو دقت زوجة اخوي عليه تخبره غنو هالآدمي قاعد يدق لسى

قالها أخووي ردي عليه داام أختي عندك لاتخافين منه خلينا نشوف إذا عنده سالفة بجد وغلا عبيد بس يبغى يسولف

وأنا كماان قويت قلبها شوية وقلت لاتخافين لو مسخها أعطيني السماعة أنا أغسل شراااعه وأسمعه كلام زي السم

دق مرة ثانية وردت قعد يسألها وش فيك مارديتي لاتكوني نايمة وأزعجتك والبنت صووووووووتها يررجف من اررعبة

قالت لا كنت مشغولة

تخيلوا ليش دااق الحقييييييييير ؟؟

دق يقولها أبي شااي وزوجتي مو عندي تسوي لي شاي ممكن تعمليه لي أنا ذقت شاهيك لما كنت أجي لزوجك زيارة والله مايقااااااااوم تسلم إيديك على عمايلك مشتهي شاي من يدك ؟؟؟؟ << قلبنا أجاانب مابقى إلا تقوله تفضل حيااك إقلط ههههههههههههههههه

( طيب ياولد النااس إذا مافيك تغلي موية مع سكر وتحط ليبتون بينك وبين أقرب بوفيه كم خطووة برجلك ماتحتاج حتى تشغل سيارتك ؟!!!!)

إنصدمممممممت من الطلب وتناظرني وبعيونها دمووع وقالت له طيب إذا خلصت أشغالي أشوف

وتقفل السماعة وتبببببببببببببببكي قداامي وأنا أهدأها أبي أعرف وش قال لها

قالت لي يبغاني أعمل له شااهي وتبكي وتضحك بنفس الوقت

أنا قعدت أضضحححححححححححححك من قلب قلت له والله العظيم لنعمل له شااي بنشوف ولد أمه وش بيسوي قالت إيييش مو من جدك ؟؟؟

قلت كلمي أخووي وخبريه وإذا ماقالك سوي له شاي ودقي عليه بعد ماتطلعين الشاي عند الباب قولي له الشاي برا ماأكوون أنا ...............

وكلمته وقالها طلعي له الشاي وانا لما أجي لي تصرف ثااني هالحقير

وفعلا سوينا الشاي وخلينااه شيرررررررررررة سكرررررررر وحطينا نعنااع وعبينا الترمس وطلعناه للباب ودقت عليه قالت الشاي عند الباب

على طوول زي المطيووووووووووور نزل يحسب نفسه بيلحق عليها قبل ماتقفل الباب .. لما لقي الباب مقفل قعد يدق الباب " طبعا مايدري إنو عندها أحد يحسبها لوحدها مايدري إني عندها << حقييييييييييير ورربي حقير

مافتحنا الباب دق لما تكسرت يدااته ويناديها بإسمها كمااان التاافه وهي مطنشة لما يأس وطلع بيته

نحنا دقينا على أخوي وهو يدق عالباب وسمعناه صوت الطق عالباب وسمعه وهو يناديها

أخووي عصصصصصصصصصب وإستأذن من عمله و10 دقايق وهو عندنا مع إنو عمله بعييييد

وطلع له وغسل شرااااعه وسمعه صوت طق الباب لأنو أخووي مسجل المكالمة ومسجل له كذا مكالمة كماان

وهدده بيفضحه بالجمااعة

وأخذنا أخووي وطلعنا نتغدى عند أهلي كلنا وخبر أبوي بالموضوع .. الله ياعصصصصصصصصصصصصب أبوووي وراح اخذ الجنبيه يقول وررربي لأذبحه هذا وأنا معتبرة من رجال القبيلة وعقالها ونستشيره بكل أمور القبيلة ومجلسينه بمجالس الرجال

هدأنا أبووي لما جاء العصر وراح أبو عزبته هو وأخوي وغتصلاو على كل رجال القبيلة الكباار وجمعووهم وكان منهم أبو هالجار الحقير

وخبروووووووووهم بالموضووع من الألف لليااء بالبداية بعضهم ماصدقوا ووجهوا الإتهامات على زوجة أخوي بإنها أكيد هي اللي بدأت وتبي تبلش ولدنا كونها من برا القبيلة ومتفتحة ووو

لما صارحهم أخووي بالأدلة وأبوي دق علي وعلى زوجة أخووي وشغل جوالها عالسبيكر وسألنا عن اللي صار اليوم وخبرنااه

والدليل كان ترمس الشاي حق أخووي للحين ببيته

ومن وقتها وهو طاايح من عين القبيلة وماله وجه يجي غير بالمناسبات الكبيرة

=====================

الهدف من القصة إنك لما تكوني أول بأول مع زوجك عالخط وتخبرينه بكل التفاصيل اول بأول راح تكسبيه وتكسبي ثقته فيك

فالله الله ببيتك إبدأي من الحين خبريه بكل شيء وتحملي نتيجة سكوتك من البداية وخووفك إذا هجرك او عصب أو ردة فعله شوي قاسية لكن إحتويه وإحلفي قداامه عالمصحف إنك ماخنتيه ولا فكرتي تخونينه ولاتشوفين رجال غيره وغنو هو بدأ من منطلق وظيفتك وغنتي كنتي محسنة النية ماتدرين بنيته لما كبر الموضوع خفتي وقلتي له الحين

الله يصلح أموورك يارب ويخلصك من محنتك

اهم شي زوجك تخبرينه لانه لو عرف بعدين بيقول سكتي اكييييد بينك وبينه شي ولا ليش ساكته
نصيحه زوجك اول واحد خبريه وخليك قويه
والحين عندنا اشياء كثيره ممكن نستغلها لو تتصلين على الهيئه
خليك قوييييه وواجهي امورك واعطيه رقم زوجك وقولي له لو حاولة تتصل علي
ماراح يحصل خير
والله يسهل اكورك وييسر لك يارب ...

للاسف ماعااااد ينوثق بأحد لاجار ولاقريب ولابعيد

اول شيء الله يكفيكي شر هالاشكال
شوفي حبيبتي رايي كلمي زوجك اذا كان زوجك انسان متفهم وماهوغيور مره وشوفي يقلبي انا من الحجاز وحجازيه واعرف كثير بنات حجازيات متهونات بالحجاب الله يهدينا واياهم اذا كان حجابك فيه شيء ملفت غيريه
واتمنى محد يفهمني غلط والله قصدي خير