محتاجه قلب :

الله يعينج .. ذكرتينى بقصة وحده اعرفها عز المعرفه لكنها بالأخير تطلقت منه بعد خمس سنوات .. وبالأخير هو مو قايل لها ان مافيه عيال .. وتصورى انه هو اللى طلقها .. !!! والله قهر وراح قال للناس انها هى اللى ماتجيب عيال .. بعد ماسوت هى 4 عمليات كلها تفشل بسبب ضعف الحيوانات اللى عنده .. وهى مافيها الا العافيه بعد ما سوت عمليات وهى اللى دفعت فلوس العملية وتخيلى الوحده منها كم تكلف ؟؟؟ كانوا الأطباء يقولون لها انتى مسكينه تتعبين نفسج على غير فايده .. وبرغم مصارحة الدكاتره ان زوجها حيل ضعيف وان العملية بتفشل الا انها مصره على العمليه لانها تحب زوجها موت وتخاف تبعد عنه وفوق هذا هى افضل منه فى كل شىء .. بعد ماحست انه انانى وانه قال بالاخير تبين عمليه انتى ادفعى .. انا ماعندى فلوس .. قالت طيب العيال اللى بيجون ماهم بس عيالى .. عيالك انت بعد .. قال انا مابى عيال .. مو مهم يكون عندى عيال .. و يوم زعلت بيت اهلها .. على طول طلقها ماصدق على الله .. وقال لأبوها انا مافينى عيال لاجل هالسبب بطلقها .. وراح من ورا اهلها اللى كتموا سره علشان مايفضحونه راح هو يقول للناس هى مافيها عيال .. !!! اتمنى تلحقين على عمرج يا اختى .. العمر يمشى .. واتمنى تفاتحين زوجج بالموضوع .. وانج محتاجه العيال .. وانتى شوفى نفسج ممكن تستغنين عن العيال والأمومه بمقابل انج تحتفظين بزوج .. يمكن بعد ماتكبرين وبعد كم سنه يقول لج بتزوج .. يمكن فينى عيال وابى وحده عمرها صغير .. علشان يكون فيه أمل اكبر للحمل .. والله الرجال أنانيين .. وممكن اذا كان زوجج مريحج فى كل شى ومرتاحه معه وممكن تعيشين بدون عيال .. عادى استمرى معه .. على شرط يساعدج ويبذل مجهود فى مساعدتج على الحمل .. وتحسين انه قاعد يسوى شى لأجلج مو بس ساكت ولا يسوى شىء.. وروحى عالجى عند اكثر من دكتور وخلى الدكتور يكلمه عن ضرر التدخين وانه سبب عدم الحمل .. والله يكتب لج الخير اينما تكونين .. ولاتنسين الدعاء

الله يعينج .. ذكرتينى بقصة وحده اعرفها عز المعرفه لكنها بالأخير تطلقت منه بعد خمس سنوات .....