زوج بعيون زايغه

السلام عليكم ياحوائيات
بلغكم الله رمضان وبارك لكم بشعبان
باعرض عليكم مشكله

اوحده من معارفي متزوجه من قريب وكل يوم تكتشف في زوجها شغلات تجرحها وتنصدم فيها

1- اكتشفت انه كثير السفر للبحرين لما كان عزوبي وحتى لما انخطبت له وملكوا على بعض كان يروح للبحرين ولا كان يخبرها مع انها تتتصل عليه يوميا وتقول وينك ولا جاب ابدا طاري للبحرين
2- تعامله مع الحريم فرررررري لما كانت بشهر العسل انصدمت منه لانه كان يمازحهن ويلغي شخصية زوجته حتى ان فيه حريم يمزحن معه ويضربن كتفه والزوجه طايره عيونها وكثير كانت تتكلم معه بهالشغله وهو يقلبها زعله ويقول انا متربي ويرجع يسوي نفس الشي
3- يحب يروح يمشي بالاسواق وهو متكشخ وماعنده شغلة علما بان الاسواق هذي نسائية وهو من ناحية البصبصه مايحتاج مكثر منها ولما تقول له ليه تمشي بالاسواق يقول اسوي رياضه
4- كان صايع وهي تعرف هالشس وكان يعرف بنات كثثثثييييير والمشكله مااكتششفت هالشي الا بعد الزواج
5- احيانا وهو نايم ينطق بااسماء هالبنات
6- لما يطلعون مكان عيونه مو لزوجته ماغير يدور حريم ويناظرهن
7- عصبي جدا وغيور جدا ويصل لدرجة الشك
8- يتفاخر بسفراته لما كان عزوبي مع انها بلدان صياعه
9- في لابتوبه صور نساء وواضح انها صور حقيقيه لحريم صايعات سعوديات ومغربيات وشافتهن صدفه
10- كتوم جدا
11- يصلي ويتعبدد ويستغفر ويصلي وتر احيانا ( الزوج) ..!!!!
12- يحب يبحث عن الحريم ويشوفهن
13- جميع سفراته كانت واهله مايعلمون
14- زوجته ماشاء الله حلوه جدا وفاتنه ومبهره من برا وجوا وماناقصها شي وهي احلى من الحريم اللي يناظرهن وهي واثقه من نفسها وجمالها وطيبه وتحبه ومخلصه له وصابره عليه لكنها خايفه من المستقبل
15- اصبحت الزوجه ماتثق فيه ابدا وتشعر بخوف كبير منه مايخليها تنام

للعلم ان ماعندهم للحين عيال لان لهم اقل من سنه زواج