زوج جارتي سبني وسب زوجته وانا اسمع ابي شوركم

السلام عليكم ورحمه الله وبركاته


بنات والله الذي لااله الا هو اللي صار راح اكتبه بلحرف الواحد بدون زياده ولا نقصان

انا عندي جاره من 4سنوات وزياده والله والله اخت واكثر من اختك ما نلتقي الا اذا ازواجنا ناموا ولا وحده فينا مقصره بواجبات بيتها وطبخنا مع بعض وحتى شغل البيت نتقاسمه بنص يعني انظف بيتها معها وتنظف بيتي معي ما اطول عليك بس ابي اعلمك شلون علاقتي فيها

بتسالوني وين المشكله بقولكم وابي شوركم انا جيت لجارتي وقلت لها وربي اني صادقه حلمت بزوجك حلم هي قالت الا افسره قلت لها بعدين مابعدين هي الادميه اصرت وراحت دقت على شيخ المهم قال لها الشيخ زوجك داخل مشروع والمشروع اللي داخله بيسبب طلاقكم والله اعلم لان المشروع اللي داخله زوجها فيه حريم ويدقون عليه الحريم ويسولف معهم الزبده جت عندي قالت لااااااااااازم اللحين اروح واقول له يترك المشروع وبلاااااه مشاريع حاولت اقنعها بلعكس وحاولي بسياسه ومن هذا الكلام ما طاعت وقدامي قالت الا اقووووله وابري ذمتي امام الله

ما اصبح الصباح الا قالت لزوجها ورحب بلفكره وماقال اي شي المهم من اليوم الثاني بدون مقدمات دخل عليه وسار يضربها انا يوم شفتها انهبلت مقطعه ثيابها واحس اني السبب ياليتني ماقلت لها الحلم
المهم وسارت ماعاد تدخل بيتها كله عندي لان دوام زوجي 12ساعه بره البيت يوم جاء قبل امس الظهر الا زوجها يضرب الباب بيديه الثنتين ويقول اطلعي يا........ ما بقى شي ما قاله بعدين طلعت وهات ياسب وهات ياتجريح والله والله يعلم ربي ان عمره ما شاف مننا شي يغثه او يزعله والله يابنات الاكلات اللي يحبها ارسلها لهم بدون تردد وحتى لما خوات جارتي يتكلمون فيه ارد عليهم واقول الا ابو فلان عز الله ان نعم الجار وما عمره غثني بس هذاك اليوم حسيت بشعور غريب يصيح باعلى صوته الله ياخذهم من جيران خرابين البيوت نطلع ولا هم يطلعون ومن هذا الكلام يعني فتح بابه كامل علشان بس يغثني والله بكيت من قلبي ما تعودت اننا ما نكون مع بعض المهم نفس اليوم بليل دقت علي جارتي تتعذر من زوجها وتقول مستحيييييييييييل احد يفرقنا قلت لها والله يافلانه اهم ما عليك بيتك وعيالك ولا الجاره بدالها جاره وانا طبعا ماقصرت رحت علمت زوجي بكل شي واللحين حلف انها ما تعرفني ومع اني ما علمته كل شي مثل ما قلت لكم يا بنات انا اطلب ماشورتكم وش اسوي معها كل شوي داقه وتدق الجرس وترسل بناتها يطقون الباب وانا والله ما ابي تخسر حياتها وخصوصا ان اهلها مررره بعيدين عنها بس من جد كرامتي ما تسمح لي اعذروني على الاطاله وعلى الكلام الملخبط




تكفون لاتقولوون كان ماقلتي اللحلم والله اني كنت اضنه خير شجر وورد واشياء ما ضنيت انه سئ ولا كان ماقلت وانا يوم حلمت الحلم دقيت عليها وعلمتها لاني اول مره احلم بزوجها اتخيل لو اي واحده مكاني راح تسوي اللي سويته والله على بالي ان معنى الحلم انها تحمل وهي نفسها بولد قلت افرحها وصار اللي صار