زوج خالتي الله لايوفقو

خالتي عمرها ٤٨ سنة
زوجها عقلو صعب كثير وبيشرب
قضت معو المقضى هي وولادها وبناتها وبالاخر راح تزوج عليها قبل سنتين وحدة مهجرة من الحرب اجت على مدينتنا وخالتي سكنتها معاها بنفس البيت عطتها غرفة فوق فاضية وحطت عينها على زوجها واخذتو ومن يوم ماتزوجت زوج خالتي وهي كل يوم نازلة مشكلة بالطالعة والنازلة ل خالتي وبناتها حتى وصلت تخلي زوج خالتي يطعن بشرف بناتو ويصدقها ويقلعهم
بنت خالتي ولدت وهي ساكنة ب حمص ونحنا بالشام وخالتي راحت ل عندها توقف معاها بولادتها وزوجها دق عليها مشان ترجع وعلقت معو بالحكي
راح قلها اذا مارجعتي الخميس الساعة ٥ المغرب للشام انتي طالق بالثلاثة وفعلا وقع اليمين وطلقها ل خالتي بعد ٢٦ سنة زواج الله لايوفقو وراح عمل مناحة ل خوالي قدام الناس بالحارة وتقاتل معهم واجت الشرطة شحطتو عالمخفر وعملو محضر يعني فضحنا بين اهل البلد وهلق بيقلها ل خالتي مافي تاخذي ولادك الصغار بدهن يضلو عندي وهي عندها ولد عمرو ١٤ وبنتين وحدة عمرها ١٦ والثانية ١٢ والباقي متزوجين وخالتي لسا بحمص مع بنتها خالي بكرى بيروح يجيبها
الله لايوفقو هذا الظالم شو انو طلع بالاخر مابيخاف الله والله قلبي محترق على خالتي وانهز بدني كثير عليها لانها على نياتها وطيبة كثير وبتخاف ماعاشت يوم حلو ابدا بحياتها كلو تعتير مع هالزوج واهلو وصابها سكر وهي بعز شبابها وبالاخر هيك يصير فيها تتطلق وبالثلاثة كمان