زوج صديقتي صدمها

مرحبا يا حلوات ... اسمحو لي اقولكم مشكلة صديقتي...
رفيجتي هاي تعرفت عليها كنا ماخذين دوره.. المهم ان علاقتنا تطورت علاقه حلوه لاكن مش حميمه او ان انقول حق بعض اسرارنا.. فهي جات تزورني من يومين لأنها ماكانت تدري بولادتي.. لما زارتني لقيتها مش نفس قبل تغيرت.. اقصد في طريقة كلامها عن حياتها.. قبل غير دايم تتكلم عن زوجها وخطيبها وتتأنق وتكشخ عالآخر.. هي كانت اتعيش ظروف صعبه بعد انفصال امها وابوها.. وابوها تاركهم ولا يسأل عنهم

المهم

قلت لها يا فلانه اشفيج؟؟ اتقولي تحسفت اني تزوجت هي الان عندها ولد.. قلت لها ليش؟ عسى ماشر؟؟ اتقول..

الأيام الحلوه اللي عشتها كانت وهم.. زوجي طيب وحبوب ويعاملني احسن معامله بس اكتشفت بعد فتره طويله نسبيا من الزواج انه مايستلم غير ربع راتبه!!! وهو راتبه زين ماشاء الله... اتقول مع الوقت اكتشفت انه ظارب سلفيه 7 سنين تقريبا ولما سألته قال هاي لأبوي مش لي!! وهاي اللي ظيق صدري زياده .. قال ابوي محتاجها ومتى ماتوفرت عنده بيسدد ديني ... قلت الله كريم ومرت لشهور اكتشفت ان زوجي خذ سلفيه ثانيه عن طريق واسطه لأن صعب يعطونه سلفيه لأن عليه واجد ولما سألته قال ابوي محتاج!!! قتله يعني كم بتاخذ الحين قال نفس الشي بس المده بتزيد... اتقول انقهرت وسكت.. ايش باقول يعني؟؟ باقوله قول له لا؟؟ طبعا مستحيل.. قعدت تصيح اتقول هالولد اشلون احنا بنأمن مستقبله ... اشلون بنقدر انعلمه يعتمد على نفسه اذا ابوه اصلن مش عارف يتصرف وهذا حاله؟؟ ياليت كان عندي احد يسندني لو احتجت .. المشكله ماعندي وانا رافضه اشتغل واترك ولدي.. واصلن لو اشتغلت مش ذاك المعاش...

اتقول المشكله ابوه وامه ماربوه انه يعتمد على نفسه ابدا.. هو معتمد عليهم ماديا في كل شي.. واحس ان هم يبونه يكون ضعيف ومحتاج لهم دايم ومايبونه يستقل بحياته.....

بصراحه انا جدا تأثرت بمشكلتها وماعرفت اشلون افيدها!!! انتو اشرايكم؟؟؟؟؟
اسمحولي ان قلت لكم الكلام بدون تنسيق... وهي قالت اشيا واجد بس انا اختصرت


على فكره..
اهل زوجها هم اللي متكفلين بمصاريفها هي وزوجها وولدها..