زوج صديقتي يبي ولده اشقر وابيضاني وهو اسمر؟الحمدلله والشكر.

السلام عليكم
كيفكم ياصبيات؟
ندخل بالدش دوغري اول شيء صاحبتي تزوجت بشهر10 واللحين ماشاء الله حامل
الله يتمم لها بخير يارب .
لما جاني الخبر حزنت على نفسي شويات):
انا صار لي سنه ونص متزوجه ومافيش حمل وهي ماشاء الله من اول شهرين الله يحفظها
صحيح اني تالمت ع نفسي بس والله العظيم فرحت لها فرح لانها من يوم واحنا ثانوي تقول
بتزوج وبجيب عشره ورعان وكلهم مابينهم الا سنه :01:
الله يحقق مناها..
المهم شوفو سبحان الله الشيء اللي تفكر فيه؟
يعني وعدتها اني اسال لها لاني بصراحه ماقد لاحظت ومافتكر فيه ناس صار لهم كذا
وممكن فيه بس ماجاء ع بالي..
صاحبتي قمحيه وزوجها قمحي..
وتقول امي بيضاء واخواتي بيض الا انا
وزوجي قمحي وامه قمحيه واهله كلهم اقماح:01:
تقول اتمنى بكري يكون بشرته بيضاء وتقول حتى زوجي دايم يقول حلاوة الاطفال ببياضهم وبشراتهم..
وتقول دايم نشوف مسلسلات تركيه ويشوف الاطفال ويقول يالله لو يجي لي ولد زي هذا
حكون اسعد انسان > ع اساس متزوج العصا السحريه من وين تجيب له اشقر وابوه مفحم:bkh:
هو يتكلم من فراغ وهي اتعبت نفسها بالتفكير
بصراحه تفكيرها جدا سخيف قلت لها انتي عارفه انا ودي اني حامل بولد كحلي اهم شيء
الاحساس الرهيب احساس الامومه !!
صراحه جدا قهرني تفكيرها وتوها في بداية حملها واول حمل لها المفروض ماتفكر بذا الشيء ايدا
بس سبحان الله فعلا بعض الرجال تاثير كلامه ع زوجته زي السحر
قالها ودي بولد بشرته بيضاء وهي مرهقه كل تفكيرها ماتمنت انو يجي بخلقه تامه ؟
شوفو وش تمنت ..سبحان الله ،
المهم هيا مو مسجله عندكم بس انا وعدتها اسال لها اذا شفتو ابوين بشراتهم قمحيه وجابو اطفال بشراتهم بيضاء يبشرونها بالخير؟
اسال الله العظيم ان يفرحها بشوفته كما تتمنى وان يجعله من البارين بها ..واسال الله الكريم رب العرش العظيم ان لايذرني فردا ويبشرني بحمل هالشهر انه على كل شيء قدير