زوج غيار جداً

السلام عليكم يا حلوات حواء

بنات وش رأيكم بالزوج إلي يغار على زوجته حتى من محارمها ويشك فيها ويتهمها إن علاقتها مع أخوها غير عاديه و أن أكيد بينهم شيء
وإذا جابت هدية لواحد منهم يزعل و ممكن توصل فيه إنه يتكلم مع أخوانها ويقول لهم لا تسلمون على زوجتي أو يقول لهم وش بينكم وبين زوجتي( إلي هي أصلاً وقبل كل شيء أخته هالمسكين) ويسبب حزازيات بين الإخوة
وممكن توصل فيه إنه يقطعها من زيارة محارمها أو يروح معها لا جات تزور أهلها كأنه يخاف تسوي شيء
يعني بالله كيف وحدة تروح عند اهلها تبي الوناسة مع خواتها واخوانها ومعها زوجها >>>>> يعني بالمختصر ينكد عليها عيشتها
وكمان يغار عليها من أبوه و يأمرها تلبس عندة طرحه وماتحط مكياج( عند كل محارمها )
ويراقب جوالها ويقرأ رسايلها ولو أنها رسلت معايدة ولا رساله فيها كلام حلو لخالها ولا أخوها يزعل وممكن يحرمها الجوال اصلاً
ويتحجج بأن زنى المحارم منتشر و تلقون النسبة 2% بس

بجد يا بنات مشكلة صعبة يعني الوحدة طول عمرها عند بيت أهلها تضحك وتتضارب وتنبسط مع أخوانها وعيال اخونها وخواتها ولا تزوجت صار بينهم رسميات بسبب زوجها والله مشكلة


أبي تعليقاتكم وحلولكم