زوج لا يتصل و يسأل

سلام عليكم 
انا منفصله عن زوجي صار لي 6 أشهر و اكثر (حالياً عند اهلي الله لا يحرمني منهم) انفصالي عنه كان بسبب اهله هم الي فرقوا بينا طالبت زوجي اننا نسكن بشقه بعيدا عن ضرر و تسلط اهله (خواته) بس رفض و قال : ما اقدر اطلع من بيت ! مع ان امه و ابوه متوفين  بس أخواته الي اكبر منه اثنين وحده متزوجه و ثانيه مطلقه الحين تزوجت مع ذالك طول الوقت بالبيت و يستمتعون بتخريب بيتي و نشر فتن بيني و بين زوجي و يسون مشاكل قلت له افتح لي باب منعزل في شقتي الي هي (غرفتين و حمام) بحيث لما انزل اروح للجامعة ما احتك باهله يعني ما يصير كل ما انزل أشوفهم و اسمع تعليقاتهم و كلامهم الوقح و غير أشياء ثانيه يسمونها ما ينسكت عنها تعبت منهم حسبي الله و نعم الوكيل 
طوال الاشهر السته زوجي نادر ما يتصل و يسأل يعني كل أسبوعين مره و احياناً شهر او شهرين كاملين يمر بدون ما يتصل يسلم و ادايما انا الي اتصل و كل ما تكثر اتصالاتي يزيد حقرانه و تطنيشه لما خففت مكالمات بس لما يتصل يسلم و يسولف و الله شاهد ان ولا مره قال لي كلام يجرح و كله يبيني ارجع له بس مشكله يبيني ارجع بدون ما يحل المشكله بس لما أكلمه و اسأله شلون يحل المشكله الي بيننا يقعد يماطل و يغير سالفه طول 6 اشهر مو راضي لا يأجر شقه او يفتح باب احترت فيه!! صج انه ما يهاوش بس عنده قدره على الحقران هائل و تطنيش فانا قررت أحقره و اطنشه و ما صرت ادق عليه و لا أكلمه لمده اسبوع بعدين أسبوعين بعدين يدق يسأل و يسلم طبعاً ما يكون عنده حل للمشكلة (انا اكره انه عودني اني اطنشه ما كنت احب ان فراق يطول بينا بس هو الي جبرني كأني أتعامل مع جاهل و مشكله كل ما حقرته يرجع يتصل) حالياً مسجات انعدمت بيننا صار بس مكالمات و نادره بحدود كل ثلاث أسابيع مره
و انا مو قادره ارجع له بكرأمتي لآني انهنت في بيته و هو ما قدر يكرمني و يوقف خواته عند حدهم و هو ما عنده مبادره انه يشوف حل خلاني 6 اشهر معلقه و يبيني ارجع له بدون ما أخذ حقي ارجع له ذليله بسبب انه خائف من خواته كبار 
يا بنات اذا كنتي معلقه لمده طويله و زوجج نادر يدق يتصل يسلم يسولف و اذا حصل و دق يقعد يماطل و يغير سالفه هل تفكرين بالطلاق ؟؟ هل تتحملين تعيشين مع زوج دمه بارد صج انه طيب بس دمه بارد و ما يعبر عن مشاعره و ما يدعمج بالأوقات الصعبه و بالأوقات الي تكونين بأمس حاجه له تلقينه مو موجود يعني بالعربي وجوده و عدمه واحد 




اخر مكالمه لنا انا قلت له : اذا ما تبيني خلاص مو غصب زواجنا ينجح خلينا نتطلق أشوف نصيبي و انت تشوف نصيبك 
رده كان : لو ما ابيج كان ما تعبت نفسي و رحت كلمت ابوج عشان أرجعج 
هو صج كلم ابوي بس ابوي رفض ارجع له بدون ما يشوف حل  و انهان مره ثانيه  




احس انه مجرد كلام احس صرت ما اعني له شي مهم في حياته بسبب فراق طويل بينا و انا امر بوقت صعب ما يعلم فيه الا الله عسى الله يفرج همي و يفتح لي فتحٍ من عنده دعواتكم لي و أسفه على لخبطه الكلام