زوج متقاعد .... وجالس بالبيت !!!!!!

عندي صديقة توها متزوجة المشكلة في زوجها طالب تقاعد من دوامه وهو بعده صغير عمره 38 سنة مايبي يروح الدوام انصحته يغير دوامة ينتقل بس ما رضي وطلب التقاعد ووافقوا عليه .... الحين معاش التقاعد صار قليل هو معاشه قوي بس لانه تقاعد صارقليل وهي بعدها ما جابت عيال يعني لاتنحسب له زوجية ولا علاوة اولاد والمشكلة الاكبر انه طالع له بيت من الحكومة وطليقته طالبه حق السكن .....!!!
بصراحة ماعرفت شنو انصحها كسرت خاطري وانا ما اعرف بسوالف المتزوجين ولا اقدر افتي بشي انا ما اعرفه يا ريت البنات اللي عايشين نفس تجربتها او على الاقل عندهم حل للموضوع هذا
اللي فهمته منها ان زوجها شكله ماوده يشتغل ويتعب يعني ممكن يشتغل بس بنظام المكافأه يعني اذا في شغل راح اشتغل اذا ما في قعد بالبيت وهي خايفة انه يجابلها اربع وعشرين ساعة ما يطلع لانه ماعنده خرابيط ولا يروح دوواوين ولا اي شيء الرجال بيتوتي
بس سالفة الشغل اهي اللي مخرعتها منه
البنت تشتغل ومعاشها يوازي معاشه التقاعدي وهي خايفة جدا من هالشي خايفة الايام تضيق عليهم وخايفة انه يعتمد على راتبها


ممكن تساعدون صديقتي حيث اني عجزت عن مساعدتها ولكم مني كل الشكر