زوج محشش يقول انه بيتوب

السلام عليكم ورحمه الله وبركاته 
انا عضوة جديده  معاكم واتمنى منكم حسن المشورة لاني احترت 

تزوجت قبل 10 شهور زوج قيل لي انه انسان هادئ الطباع يحب الجلوس مع نفسه دوامه بعيد  يروح اسبوع ويرجع اسبوع وعلى قد حاله وطيب وحنون 
المهم مرت فتره الخطوبه وكانت بس شهرين مثل الحلم وشهر العسل بعد مر بسهوله وبسرعه 
انا موظفه ورجعت لعملي وهو لعمله  وصار يداوم اسبوع واسبوع يجي عندي 
بالبدايه صار يزعل  وانا لاني ما اعرف طبيعته واستحي واحاول امشي الامور  اسكت واراضيه على اسباب زعل تافه ما تحضرني لتفاهتها 
المهم صارت السالفه مكرره اقصد الزعل يعني يرضى اليوم بكره يزعل وبتناوب  وطبعا زعلان وياخذ حقه الشرعي والحشيش اكتشفته بعد شهر العسل وكلمته قالي انا بتوب واحاول اخففه بالتدريج وانا قعدت افكر واقول شسوي الحين توني معرسه وظليت افكر لين توصلت لفكره ان طالما تأثيرة عليه هو وانا ما تضررت بحريقه هو والحشيشي حقه  المهم طنشت سالفه الحشيش 
وهو على قد حاله طلعت له سياره ايجار بالتمليك باسمي  وكنت ما اتركه يروح دوامه وهو ما عنده مصروف بحكم ان راتبه يطير على الديون وانا قلبي طيب واقول انا بمقدوري ان اساعده ولا راح ياثر هذا الشي علي  والحمد لله مرتاحه وهو ساكن مع اهلي عندي قسم خاص فيني يعني مو مكلفته باي شي تقريبا لا مصروف ولا سكن ولا حتى اكل تحول زواجي الى زواج مسيار بناء على ظروفه 
والزعل تكرر وتكرر وتكرر  وانا قلت مو مشكله عادي يزعل يوم واحد ويرضى احسن من غيري ازواجهم يز علون عليهم بالايام  المهم 
سالفه الزعل تكررت كثير كثيييير لدرجه اني حسيت ان هالانسان جالس معاي علشان مصلحته مو لانه يحبني 
وفي يوم كان زعلان انا انقهرت ولما اصبح الصبح انا طبعا مو نايمه كنت معصبه ومتضايقه 
قلت له ليش تكذب علي وتغش نفسك وتغشني وتقول انك تحبني وانت مو سعيد معاي لو انك سعيد ما كان كل يوم تزعل وتدور توافه الامور تزعل عليه واذا راضيتك ما ترضى واذا كلمتك حتى ما تطالع بوجهي وكاني جدار يمك طلقني وفك نفسك وفكني خلينا نشوف حياتنا  وكنت مررره منهاره ومعصبه وكررت كلمه الطلاق وقالي جهزي شنطتي وتعوذي من ابليس  وسوي لي فطور   المهم سويت له الفطور وما فيه حليب سويت له شاب اكل وشرب وبعدين كملت الانفعال حقي ابي اوصل لحل معاه هذا الاسبوع كان توه بادي مع رحله فطع الحشيش  يعني له 3 ايام ما تعاطى 
المهم قام وضربني ضرب عنيف يا بنات والله شاهد علي  صقعني بالارض والدولاب والجدران وضرب على الةجه وانكسر خشمي وانجرح خدي من الضرب وشفتي اسناني صارت تنز دم  وبعدين وقف وقالي انا اسف مو قصدي اضرب بس انتي اسفزيتيني  تبين الطلاق  وانا طبعا مضروبه ومقهوره قلت له ايه ابي الطلاق ورجع ضربني مثل الاول 
المهم انا سويت الامور عاديه بعدها ورحت المستشفى معاه واخذت تقرير زهو طول الوقت يتحلطم  علي ويقولي تبين تدخليني الشرطه ومدري شنو قلت له ما بشتكي علي بس ابي اتعالج وكذا تمشي الاجراءات  المهم يا بنات رجعنا البيت وذاك اليوم هو بيمشي لدوامه وخليته يمشي لما وصل قلت له مثل ما ذليتني تجيب رضوتي  
المهم قعد يعنذر ويستسمح ومن الكلام العسل وانا قلت انا صح استفزيته توه صاحي من النوم خلني اعطيه فرصه  ثانيه ورجع بعد اسبوع الدوام جاب معاه خاتم والله ما يستاهل اسامحه فيه ومو قصدي اني محتاجه لذهب ولا شي بس ابي اقرصه وسكت لاني ادري عن ظروفه واهله توسطو له 
رجع الاسبوع الماضي اول يوم عدل بعد ما راضاني على طول وثاني يوم تناقش معاي باهلي وقلت له لا تتناقش بشي يخصهم  هذا ما يخصك وتكررت السالفه الزعل وثالث يوم  زعلان  وانا داومت دوامي 12 ساعه  ورعجت السبح الساعه 8 وطبعا مع احتياجته ما نمت الا 11 الظهر قومني الساعه2 جوعان قلت له انا تعبانه  قالي طيب نطلع الجو جميل  قومني بالقوة يا بنات وتحملت وطلعت وانا مهدود حيلي  ورحنا الكورنيش ومدري وين بس يفرفر فيني رجعني المغرب رجعت استحميت وقلت له تبي شي قالي لا  قلت له بروح انام المهم انا من عادتي وهو عارف اني ما انام الا بعد ما فرفر بالجوال شوي وانام عقبها جا طل علي وقالي  تقولين بتنامين قلت له ايه  فام عصب وجلس قدامي وقالي قومي نظفي البيت قلت بنظف بعد ما اصحى فالي لا الحين قومي الحين ونثر  الملابس والسلال ورفس سله الملابس بالدولاب وكسر لي المرايه فيه  ونثر المبخر  وهو حده معصب ونافخ وجهه قمت والله ونظفت البيت قالي الحين سوي لي اكل  وسويت له الاكل  
وعقبها نمت انا بالغرفه وهو بالمجلس  اليوم الثاني كان جمعه  دخل عفس الغرفه ولبس  وطبعا توه متطوع قام بصلي  قلت له بتروح المسجد قالي ايه قلت الله يتقبل منك  المهم قبل ما يطلع ما ررضى ولا قط علي كلام لين لا قالي حطي ببالك الساعة 2 الظهر بالضبط اجي القى السفرة جاهزة وهذا عمل يومي  مو بس اليوم قاله وهو نافش ريشه 
المهم انا دخلت عند اهلي مقهورة وافكر كيف توه مراضيني يعاملني بهالطريقه قلت لاهلي خلاص انا عفته  ما ابيه 
المهم اهلي تناقشوا معاي وقال اخوي خلاص اذا جد ما تبينه انا بقوله يطلع المهم طلعوه وانا حسيت ان جبل وانزاح عن ظهري  
الحين رجع يصالحني  ويغسل قلبي بكلامه ويراضيني وقلت له ما فيه رجوع الا بعد المحكمه  وبحط عليك شروط ما تضرب ولا تتعاطى ولا تداوم بعيد مثل ما ارجع من الدوام مهلوكه ترجع مهلوك علشان تحس فيني  قال اوك  كلمت اهلي  بالموضوع  اهلي ما يبون يتدخلون بيننا علشان بعدين ما تصير عليهم ملامه بس خواتي قالوا لي كلمه اللي مد يده مره بيمدها مره ثانيه واللي مدمن من 12 سنه مستحيل بيتوب يمكن يقطعها فتره لكنه بيرجع لها  ولو انه يحبك ويقدر اللي قدمتيه له  ولا كلفتيه  باي شي  ما كان هان عليه يضربك بهالطريقه 
وانا الحين دورتي متاخره يومين  ولا نزلت وخايفه اكون حملت في اللحظات الحاسمه  وما ادري سشوي شورو علي با بنات الله يخليكم افسخ الزواج ولا اكمله  انا ما اعرف الناس كيف عايشين مع ازواجهم ولا اقدر اقاوم كلامه المعسول اذا كلمني بس بصراحه انا ما احبه ذاك الحب اللي يخليني ما استخني عنه حاليا انا مرتاحه بدونه 
الحين افضل افسخ وابدى حياه جديدة ولا اكمل معاه 
اسفه طولت عليكم بقصتي بس تختصرت كثيييييير والله فيه اشياء كثيره ما قلتها  بس هذي الزبده