زوج مريض نفسي !!

مرحبتين يابنات بحكيلكم عن قصة جارتي المسكينه اللي مالها حظ بدنيتها الله يسلمكم هي تعتبر اقل وحده حظ باخواتها وبقت ماعرست لين صك عمرها35 المهم نفسيتها تعبت وضاقت فيها الدنيا وهي عايشه عند اخوها وزوجته واولادها مطلعين عينها بالدخله والطلعه حتى الاكل والشرب بالعربي مدخلين خشمهم بكل شي ليما سبحان الله بعد هالعمر طق بابها عريس ووافت عليه المهم اصلا ماصدقت تتزوج وتهرب من حياة اخوها والعذاب وكرههم لها وسيطرتهم وحرمانها من الطلعه وانها تدخل جامعه والا تحلم تشم هوا على كيفها المهم سالو عن الولد قالو والنعم فيه ملكت الا بعد الملكه اكتشفت انه يعاني من مرض نفسي قاسي شوي اوقات واوقات يروح ويجي عليه وفيه تصرفات غير ملحوظه يومنها عرفت واهلها عرفو صارت مشاده بين اهل الولد واخوها يبي يفصخ الملكه وهي المشكله ماشافت ان هالرجال شي عيبه غير مرضه وهي عارفه المرض مو بيده غصبن عنه الله كاتب له ونعم بالله لكنه راعي صلاه وكريم وبار بوالدينه وطيب معاها فضاق صدرها فجلست تفكر بينها وبين نفسها تطلق قبل لايطيح الفاس بالراس وترجع لجنون اخوها وزوجته والا تبقى مع هالانسان وتراعيه ماتدري يمكن الله يوفقها فيه ويكتب له شفاء بعد الله على يدها الله العالم المهم يابنات هي تزوجته والحمدالله مرتاحه معاه لكن ساعات تتخوف تجيه فترة المرض تحس نفسهها منكسره قدام حمولتها شلون يصير زوجها من حال لحال غريب ماتتخيله ذا الانسان الطيب الحنون اللي مخلص لها وشريك حياتها ينقلب بشكل ثاني مرة 5 سنين وصبرت وجابت منه ولدين اقمار يهبلون ماشالله وتحملت صبر ماحد تحمله صارت له الممرضه والزوجه والحبيبه والام وكل شي لكن المشكله عاد اهله لازقين فيه مو مخلينها تختلي معاه قال والسبب خايفين على ولدهم من انه ترجع له حالة المرض ودخلت بمشاكل مع اخواته 5 واخوانه ماشالله 7 وقاعدين بحلقها لو يصير باخوهم تشكت ابره قالوا بسببها وهي مسكينه شايلته عراسها يادهينه لاتنكتين لكنها مو ماليه عينهم الي مايستحون ولايخافون ربهم ولاحمدو ربهم باللي رضت بولدهم وتحملت ولها احين سنه ضايقه المر هو من اهله والا بمراعاة زوجها والله لو مشتغله بمستشفى ازين لها ولا هالدوخه فبيتها ودوام رسمي وفوق هذا يكفي تحملها لكسرتها بين الناس لابتدا يتعب المسيكينه ماغير تحمدالله وتستغفر صبوره لابعد حد قبلت تعيش بوسط اهله بذل وتراعي زوج تعبان ولا ترجع لنار وعذاب اخوها وزوجته وعياله اللي يحاسبونها عاللقمه بالله واشرايكم يابنات شالحل لها وش تنصحونها فيه وهل زواجها من هالانسان وصبرها حتأجر عليه والا حيضيع مع الزمن وياخذ من عمرها الله يجعلها في ميزان حسناتها يارب لان اللي بترضى بواحد يعاني من مرض هي وحده من الحالتين يا انها قلبها مافي اطيب منه ومعطاء بزود يا انها مكسوره وتبي الستر فالله يوفقها ويوضها خير