زوج نادم: دمرت اكثر انسانه حبتني

هذه قصه قرأتها في احدى المنتديات وحبيت انقلها لكم

السلام عليكم
هذي قصتي مع زوجتي اتمنى اللي على مشارف انه يخرب حياته يستفيد من قصتي
بسم الله الرحمن الرحيم
انتهيت الدراسه و توظفت في مكان معقول و كان عمري وقتها 25 و قررت الزواج أخبرت أمي بنيتي بالزواج و فرحت بالموضوع و كذلك الوالد و بدأت أمي بالبحث عن بنت الحلال و تقدمت لخطبتها و حصلت منهم الموافقه و البنت جمال و أخلاق و بنت ناس و ما عليها كلام عشت معها سنه و احلى سنه في حياتي و كانت نعم الزوجه تعطي بدون ما تاخذ كل ما ينقص البيت تكمله من راتبها و ما عمرها طلبت شي أرجع من الشغل و ألاقي الغداء جاهز و تجي تدلك رجولي و ظهري من نفسها بدون ما أطلب منها وتكون هي راجعه من شغلها بدون ما ترتاح بعد مرور هذه السنه حملت زوجتي الغاليه و انجبت ولد و كانت نعم الام بلغ 3 سنوات حافظ سور في القرآن أنا مو حافظها (نوح_الجن_المؤمنون......) ربته نعم التربيه لا عمره طلب شي و لا تذمر من شي مثل بقية الأطفال على العكس ربته على القرآن و الادعيه حتى قبل الأكل يذكرني بالتسميه حفظت كثير من الأدعيه بسبب كثرة ما أسمعها منه .
جاء اليوم سمعت ان أحد زملائي بالعمل تزوج بأخرى و سمعت أحدهم يقول لآخر: أبو الدراهم خاليتزوج و يتمتع ترى العمر واحد.
ففكرت بنفسي وقررت أتزوج بثانيه بما اني استطيع أن افتح بيت آخر لما لا اتمتع من باب التغيير و الحلال
ذهبت لامي و اخبرتها قالت : حرام عليك زوجتك ما تستاهل تعرس عليها و بما ان الله رزقك اشتري بيت بدل الشقه عشان العيال(في المستقبل) لا كبروا و اشتري سياره جديده مو لازم تتزوج انا قلت لا أبي اتزوج وياليتني ما تزوجت.
يوم جيت اقول لزوجتي اني بتزوج حسيت لساني انربط و ما قدرت أقولها طلبت من أمي ان تخبرها و حصل.
رجعت من شهر العسل و كان مدته اسبوعين و كان عادي جدا مو مثل الاول و في اول ليله لي مع الثانيه حسيت اني ما أقدر أنام دابم اتخيل الاولى و رجعنا الديره وما صدقت اني رجعت.
رجعت لشقة زوجتي الاولى و كانت عاديه مثل دايما وبالليل جامعتها و كم كنت مشتاق لها و بعد الجماع غمضت عيونها وحسيتها تنيوم(تسوي نفسها نايمه) قعدت أقز فيها ابيها تفتح عيونها ولا اشوف خشمها أحمر و غطت وجهها بالبطانيه و بدأت تبكي بس مو بقوه كأنها تحاول تمسك نفسها بس ما تقدر أنا (لغبائي) فكرت أنها ما كانت مشتهيه و اني جامعتها بالغصب و أحاول اهديها و اقولها لو ما كنتي تبين كان قلتي لي لكنها ما كنت ترد علي بس تصيح لمن نامت و في الصباح كانت عاديه جدا رجعت من دوامها و كانت في المطبخ تسوي الغداء حتى أغمي عليها و الولد قعد عند امه يبكي و ما يدري وش يسوي دخلت و كلمت أختي (دكتوره) و جات تف***ا و قالت ان السكر ارتفع عندها (مع انه ما كان فيها سكر من قبل).
جا يوم زوجتي الثانيه و كل دقيقه أبي و ابي أنا عروس ولا تكسر بخاطري أرجع من الدوام لمها أشوفها منسدحه على الكنب و تاكل حب و ما فيه الا ابي و ابي ما تمر دقيقه و انا عندها الا و اشتاق لحبيبتي أكثر و اكثر بس حسيت اني لمن ارجع لها ما تكون مثل أول ولا تمازحني أبد ولا رجعت تدلكني ولا تبوسني و لا حاجه كله ساكته حسيت انه في شي غلط وفي يوم قالي ولدي بابا انت وين تروح لمن احنا نكون لحالنا ؟
ما عرفت وش اقوله و قعدت أفكر بكلمته أيام لمن جته حراره عاليه و كنت عند الثانيه دقت علي أمه ويومن بغيت اطلع قالت الحين توديني لأهلي بعدين وين ما تبي تروح رح لجنهم بعد كلمتها هذي ما قدرت اتحمل و طردتها وقلت لها انقلعي لبيت أهلك وبعد كم يوم طلقتها و افتكيت منها لكن بعد ماذا حبيبتي أصابها السكر و لم تعد تعاملني كالسابق و حتى أحيانا اشوفها تبكي بدون سبب بعد ما قهرتها صحيح انها سامحتني لكني اعرف انها ما راح تنسى و ما ألومها كيف تنسى انها كانت تصرف و انا اجمع و تزوجت عليها كيف كانت تحترمني و قهرتها .
نصيحتي لكل من مرتاح مع زوجته و مي مقصره معه لا يتزوج عليها خاصة اذا كان يحبها ولا تفكر بأنانيه و تدور متعتك على حساب غيرك
ادعولي تتحسن أوضاعي مع غاليتي