زوج وعيونه الزايغه بيذبحني قهرر

السلام عليكم 
انا اليوم بقولكم مشكلتي بختصار وابيكم تفيدوني وتنفعوني  
بنات انا زوووجي عينه زاااايغه قوه قوه بشكل ماتتخيلونه كل ماطلعت معاه سوق يناظر وبس متنح بزاويه ويناظر واذا شاف وحده يناديني يقول تعالي شوفي ... كبيره جسمها حلو اسكت عنه ومشي وقبل يومين طلعت السوق وكنت اقلب بسلال رفعت راسي بكلمه لقيت عينه بعين وحده واضح مررره انها مو مظبوطه حاطه مكياج كامل وعبايه ضيقه وتناظر فيه نظراات وصاخه وهوو مفهي فيها وانا قمت قلت قلت حيا عيني عينك خاف وقال هي الي فيها بلا هي تناظرني مالي دخل وقام يقول يله امشي ارجعي البيت رفضة وقعدة اكمل اتسوق وهو يظرب رجولي من تحت كئنه يشوت كوره ورحت انا ورجعت رجلي علي وجرحته مسكني بسوق ويدف فيني رميت الاغراض وطلعت وقمت اسب فيه سب سب مو طبيعي فقدت اعصابي وهو ظربني بسياره وطش نقابي وطرحتي ودخلت البيت وقمت اصارخ عليه بجنون ومسكني وظربني بس كان كلامي قوي اقوله انت حمار منت رجال ياوصخ بس وش اسوي من القهر ماهي اول مره كل مارحت السوق الاقيه يناظر بنات وياليته حلووو الا يوحش ودايم يقولي انتي نحيفه انتي شينه انتي مو حلوه قبل مكان كذا كان يمدح فيني بس بعد طفلي 2 بس يسب فيني واذا واجهته بعد هدوا يقول برفع ضغطك وزوجي مطلق قبلي 3 مرات وعنده طفل وعمره 42 وانا عمري 22 وبشهادت الجميع اني جميله وجسمي حلو بس هووو طايح تحطيم فيني فقدت الثقه بنفسي مررره وابي حل ابي اخليه اخر اهتماماتي وكيف افتك من عيونه الزايغه ولا بعدهذا كله من بكره سويت قهوه وحلا وناديته يتقهوا قام يسب فيني وجا بعدها يناقشني عن البنت طنشته قلت انت راضي عن الي تسويه ليش تبرار قال صدفه قلت طيب عادي عندك تطيح فيني عيني بعين واااحد قال لا انتي غير قلت ليه غير قال هي مو متزوجه قلت انا عادي اناظر واحد مو متزوج احس بدا يرتفع ضغطه بس جنني وله يومين ينام بروحه ابي اسلووووب يجننه اخليه يحترق من القهر ساعدوني  ودعولي