torn_heart :

السلام عليكم ورحمة الله وبركاته اختي العزيزة شكرا على موضوعك الشيق لكن بصراحة ما قلتله لا ينطبق على كل الرجال لو كان زوجك يعرف الأصول وكريم راح يقدر هاللي تسوينه لكن لو كان مو راعي أصول واناني ولئيم هل تعتقدين انك راح تأسرينه بتصرفاتك هذي ولا حتلر راح تبين بعينه؟؟؟ اختي للأسف انا على وشك الطلاق وانا اللي طلبته تدرين ليش لأني كنت اسوي اللي تقولين عليه كنت اسمع اهانات واتحمل ضرب وسب وشتايم حقي وحق ديرتي وأهلي واهل ديرتي وكنت اتحمل معاير مع اني انا المفروض اللي اعايره وكنت اتحمل خيانته بسكوت وعلى حساب نفسي وصحتي وانا حامل واصلا صحتي ماتتحمل شد الأعصاب وشنو كانت النتيجة ان الزوج العزيز تعلم على السكوت من طرفي واني اسامحه علطول ولو زعلت بسهولة ارضى واقوله لا مو زعلانة ولا معصبة كنت أظن انه بيحس من نفسه مثله مثل باقي البشر لكن اهو تمادى واستحلى الموضوع حتى لما اضطريت اترك البيت ورحت لأهلي اهملني وصار يتصل بس اذا يبي شي او محتاج لدعواتي ويضحك علي ويمثل انه موقادر على فراقي وهو في نفس لالوقت مستمر بخاينتي كان كل هالتمثيل بس عشان اتنازل عن المؤخر ولما اكتشفت انه مازال يكذب علي ويخوني رفضت التنازل بعد ماكنت ما ابيع ومستعدة حتى اخذ قرض واحطه في البنك جدام اهلي عشان لما يسئلوني وين مؤخرك اقولهم والله الريال رايته بيضا وما هانت عليه كرامته انه يطلقني من غير ما يعطيني حقي. اختي انا لا خذيت مهر منه ولا شبكة ولا أثاث ولا شي كل شي كان من عندي ولما عرف اني غيرت راايي ومصممة على المؤخر هجرني نهائيا وما عاد يتصل فيني لمدة 13 يوم ما قال زوجتي مهما صار بينا عشرة وفيه طفل ياي بالطريج على الأقل أدز مسج اتصل اوصي اختي تكلمها تتطمن عليها خصوصا انه عارف اني احتمال ادخل المستشفى بأي لحظة نظرا لمضاعفات الحمل اللي عندي وما افتكر يكلمني الا ليلة وقفة عرفات لأن وقتها كانت صاحبته زعلانة منه يعني تخيلي انا عنده مثل التاير الاحتياطي السبير ينزله شوية يمشي فيه لما يلقا تاير غيره يرجع يستغنى عن الأحتياطي ومو بس جذي لما سمع ان حالتي الصحية متدهورة ما كلف نسفه يتصل اة يبعث رسالة وراح بلغ زوج أخته طبعا هو الحين الود وده اني أموت انا مع البيبي عشان يخلا له الجو مع حبيبته الجديدة تخيلي كل هذا يصير يعني انا لو اعطي قطوة بالشارع نتفة لحمة او حتى عظم بتظل تلحقني وهذا بعت الدنيا عشانه ونكرني ورماني بسهولة ومو بس جيه قعد يعيب علي جدام اهله ويعايرني انه مافي واحد كان ممكن يتزوجني وانا هو تدبس فيني مع انه حفى وراي 5 سنوات عشان يتزوجني وهذي غلطتي من الأول كان لازم اوقفه عند حده واعرفه حدوده ومكانته عدل ماكان لازم اسكت واسوي روحي عادي مو زعلانة عشان اهو ما يزعل يعني هو اللي مزعلني وانا اللي اركض وراه عشان ما يزعل!! هذي كانت غلطتي مليون مرة كان في ألأول ما يقدر يفارقني ما يرضى حتى اروح الحمام يخاف اتأخر عليه ويقعد يبكي لو زعلني بس كل هذا كان تمثيل لأن بمجرد ما سدد ديونه قلب علي تقولين اني كنت أعايره الليل والنهار فشايل بقلبه علي فيا اختي اسلوبك ينفع مع عيال الأصول : اذا اكرمت ا لكريم ملكته واذا اكرمت اللئيم تمردا ... انا ماكنت ابي أملكه كنت ابي بس يعاملني بما يرضي الله بس للأسف ما ينفع جذيه مع هالنوعية. اسفة اختي دوشتك معاي. لكن هذا هو رأيي

السلام عليكم ورحمة الله وبركاته اختي العزيزة شكرا على موضوعك الشيق لكن بصراحة ما قلتله لا ينطبق...