السلام عليكم
بعد الشقاء والصبر تزوجنا
واليوم بعد ماخلصت فطوري وحضرته على السفره جاء زوجي وجلس يادوب اخذت تمره بفمي
وهو مثلي مسك الشوربه وجالس ينتقد وهذه عادته دائما انتقادات واخذ السمبوسه وقال ليش فيها بيض
ورجعها على الصحن انا ماتحملت بكيت وقمت الغرفه لاني واقفه من صلاة العصر ومااجلس الا على الاذن وفوق ذا مايعجبه
قام لحقني الغرفه وقال ارجعي على الفطور رفضت قام جرني بقوه على غرفه المعيشه وماسكني من رقبتي
ويدفني انا ماتحملت قمت ورحت المجلس جلست قام مسكني من راسي بيدينه الثنتين من عندي اذاني
وجرني بشعري ورجعني على السفره انا جلست ابكي وصرخت في قلت ماابغى اجلس معك بنفس الغرفه
اخذ علبة الكاتشب القزاز وقام يقول اجلسي ويصرخ علي والعلبه بيده بيرميها بوجهي خفت يسويها ويشوهني
جلست حتى هدا وقام يدخن قم انسحبت بهدوء ورحت الغرفه اصلي المغرب وانا ابكي
اخذت المسبحه واستغفر صلى وراح جلس على السفره رجع بعدها عندي ضمني وسلم على راسي ويدي
وحضني واعتذرات قد الليل واسف وانا غلطان مااقصد كنت جوعان وابغى ادخن ومن هالكلام طيب انا وش ذنبي
خرج بعد العشاء وجاب لي باقة ورد كبيره حمراء على باله بااسامحه كسر قلبي يابنات كسر قلبي قهرني
واهانني وهو يجرجني من غرفه لغرفه ودس جوالي عني على باله بااتصل على احد مااعندي احد اشتكي له
ابوي متوفي وامي قطعت علاقتها فيني من عمري ثلاث سنين طلقها ابوي حاقدها علينا ماعندي اشقاء وعمي مايسال عننا
ومايهتم لو اموت اخوالي مايعرفوني اصلا اروح لمين يوقفه عند حده ويحسب له حساب
بنات لاتدعون عليه الله يسعدكم اسالكم بالله لاتدعون عليه ابدا
وهو يكلمني الان بس انا اكلمه اذا سالني عن شي وش السواه وش الدبره قلبي بينفجر ابغاه مايعيدها ثاني ويحس بقيمتي ماعندي اطفال ودوبنا متزوجين من اربع شهور
مشتاقه للحريه @mshtakh_llhryh
عضوة فعالة
يلزم عليك تسجيل الدخول أولًا لكتابة تعليق.
هذا من اثر التدخين ماثر عليه الله المستعان عليك بدعاء وقيام الليل وتدعين انه يجعلك قرت عينا له ويجعله قرة عينا لك وكثير منها بسجودك وادعى انه يقطع التدخين بصلاتك وكثير استغفار وربي يوفقك معه
الصفحة الأخيرة
فرج الله همك
يالغلا لو مو انتي غاليه عليه ماعتذر صدقيني مع الصوم والدخان فقد عصاابه
اذ روق فهميه ماعاد يمد يده عليك
الله يسخره لك