السلام عليكم ورحمة الله وبركاته
كيفكم أخواتي
عندي مشكله مع زوجي وبصراحة ضاقت فيني الدنيا أشتكي لرب العالمين بس
يمكن بعضكم يحسها تاافه والبعض يحس بالمعاناه اللي أنا أحس فيها
طبعا زوجي مطلق وعنده بنت وعايشه معانا لنا 3 سنوات متزوجين
الله اللي يعلم أني ماقصر عليه وعلى بنته بشي وأني ما أبخل عليهم لا من راتبي ولامن جهدي وراحتي ووقتي
أنا مديره وهو وظيفته زينه الحمدلله ومع هذا أغلب اغراضهم الشخصية انا اللي اجيبها لهم من ملابس وعطور وكماليات وهذا والله مو منه بس عشان احطكم بالصوره
وهو يصرف راتبه على أساسيات الحياه من أجار ومصروف للبيت الخ ويعطي اهله دايم وماقد ناقشته في هالشي لانهم اهله ولهم حق عليه مع انو يأثر على ميزانيتنا لكن اللي ينقص أنا أوفيه عشان تمشي الحياه
زوجي متناقضه شخصيته عنيد وحنون
عصبي ومرح
يحبني بجنون لكن بعض الاوقات اشك في محبته وتمسكه بي
أضرب لكم مثال قبل فتره صار بيننا مشكله ع سبب تافه جدا وداني بيت اهلي وكان مستعد يطلق مع انه يحبني لكن ليش اتكلم والا ارد عليه
وصراحه للصبر حددود يعني اصبر واكتم واتحمل بس اذا زاد الحمل علي انفجر وبمجرد انفجر هو مايتحمل ولايقدر
يفسر زعلي اني ابي اعيش ع كيفي وانو مابي رجال يحكمني الخ من الافكار السخيفه اللي براسه
طبعا ماجاني منه عيال للحين
المشكله الاخيره على تفاهتها الا انها آثرت بنفسي حيل وبس جالسه أبكي
شاورني في موضوع أنو يجيب لبنته لعبه وهو للمعلوميه اسبوعيا يجيب العاب لها بس هذي كانت غاليه شووي المهم البنت بأول ابتدائي ومستواها الدراسي ميح همها اللعب مع ابوها والطلعه بالسياره يعني لو بس يطلع يجيب خبز لازم هي تكون معه وإذا قلت لع غلط ومايصلح يقول مالك دخل
المهم انا قلت له خلها لنهاية الترم وهذاك منت مقصر عليها بشي دايم اوعدها لو تحسن مستواها انك راح تجيب هاللعبه لها واحنا ظروفنا هالشهر شوي ملخبطه عيد واغراض يعني مو وقته والله سكت ومارد علي
وتفجأت بعدها بكم يوم انو داخل باللعبه اللي مكلفته حدود 400 ريال ومبتسم
أنا بصراحه مرره زعلت طيب ليش ماتقدر ظروفنا وهذي شي مو اساسي عشان تجيبها بهالظروف ياكم فيه اشياء ضروريه بالبيت واسكت عنها عشان ما اكلف عليه فيها وفي الاخير هو جالس يلعب يمين وشمال
وربي حتى راتبي ماعاد اتهنى فيه واني اقصر ع نفسي كثير عشان اساعده في مصروف البيت واهله
ومع هذا مو مقدر ولا حاس
طبعا ماكلمته لما شفته جاي يضحك ومبسوط واستغرب ليش زعلت قلت له هالكلام كله واني اداري عليه واتحمل وهو لاهي وبما انو مقرر يجيب هالشي لايشاورني من الاساس
جلسنا يومن لايكلمني ولا اكلمه وبعدها عادي مشت الامور وتصالحنا صلح مدري وش يبي
اليوم اللي بعده تعبت وطلبته يوديني المركز الصحي والبنت كانت نايمه العصر
قالي صحيها لازم تكون معانا
المركز بينه وبيننا 5 دقايق
طبعا اخته كانت عندنا قالت له ماله داعي خلها نايمه وانتم روحوا
قلت له خلاص خلها نايمه بتصحى مو رايقه وخلنا نطلع مع بعض من زمان ماطلعت معاك لحالي
قام طبعا يتريق فيني قدام اخته مشوار رومنسي ومدري ايش زعلت مرره ورحت اصحي بنته عشان ياخذها بعدين طلعنا من دونها وطوال الوقت مايناظرني ولايتكلم
قلت له شي بسيط منك يعني لي الشي الكثير لكن انت متغير ولاعاد تبي نكون وحدنا
طبعا قام يهدد ويتوعد وسكتني
ومن يومها لنا اسبوعين مانكلم بعض وطوال وقته برا البيت يرجع ينام بس
أبي رايكم ومشورتكم أنا وش سويت عشن يعاملني هالمعامله
يعني مو من حقي اطلع معاه وحدي
بنته مررره مدلعه ومشغله وقته ع طوول وماعاد اقدر اخذ راحتي معه حتى بالنوم ينومها ع سريري
طيب وبعدين ياربي اتحمل عشان ارضاه بس برضوا انا لي حقوق
نهاية الاسبوع لازم اكون ببيت اهله وهو يروح مع اخوانه يغير جو يوم كامل ومارجع ع بيتي الا ليلة الاحد وساكته
اهلي محد موجود اروح له اغير جو
ومحد من قرايبي
يعني البيت المدرسه اهله البيت
اذا قلت طلعنا نتمشى قال مافي مكان راح يعجبك
طيب طلعني ماقد لعت عشان يعجبني المكان او لا
والله العظيم يابنات حتى رقم طليقته اخذته عشان تتواصل مع بنتها وتتطمن عليها مع انو جواتي مو راضيه بس قلت حرام واكسب اجر
اهله قايمه فيهم وربي ما ابخل ولاقصر عليهم واروح لهم اجلس بالايام ماشتكي ولا أعترض
الشي اللي اشوفه يحبه اسوويه عشان يرضى
لكن للاسف صار اناني ومايحب الا نفسه ولايهتم لي ابد
ازعل ارضى انطق اموت بكيفي
طيب وين الحب اللي تقول تحبني ؟؟؟
اذا اختلفنا ع اهون سبب قال انا كذا تبي والا بيت اهلك قدامك بتتزوجي واحد متفتح مو متخلف مثلي
وارجع اسكت واصبر عشان ما اهدم بيتي
اي نقاش بيننا ينتهي بزعل لانو مايبي اناقشه بشي يبي كل شي ع كيفه وبس ولايبيني اعترض
امي وابوي متوفين واخواتي متزوجات واخواني لاهين بحياتهم
وين أروح ياربي وعلى مين أشتكي
بعض الاوقات اقول هذا وهو راضي مايقصر لكن اذا اختلق له زعل تضيق الدنيا فيني
ياربي وش الحل
ابي الستر ولابي الطلاق
وهو مو راضي يتعدل معايه ابد
تكفون دلوني أعرف أني تنازلت له عن أشياء كثيرره لكن ابي الستر وهو عنيدددددد ماينطاق مستعد يهدم حياته عشان يباس راسه
:44:
رذاذ المطــر @rthath_almtr_6
محررة فضية
يلزم عليك تسجيل الدخول أولًا لكتابة تعليق.
شئ واحد جاء على بالي
وكلما قريت باقي السطور ارجع للفكرة الأساسية
إنتي بالنسبالة بنك مفتوووووح
إذا زعل واخذك لبيتكم.. اول شئ بيجي في باله إذا ما رجعك راح يخسر البنك إلي يصرف عليه وعلى اهله
ما عندي اي نصيحة..لأن المشكلة في راتبك
إلي يروح له ولبنته واهله على بساط احمر
وكلما قريت باقي السطور ارجع للفكرة الأساسية
إنتي بالنسبالة بنك مفتوووووح
إذا زعل واخذك لبيتكم.. اول شئ بيجي في باله إذا ما رجعك راح يخسر البنك إلي يصرف عليه وعلى اهله
ما عندي اي نصيحة..لأن المشكلة في راتبك
إلي يروح له ولبنته واهله على بساط احمر
شئ واحد جاء على بالي وكلما قريت باقي السطور ارجع للفكرة الأساسية إنتي بالنسبالة بنك مفتوووووح إذا زعل واخذك لبيتكم.. اول شئ بيجي في باله إذا ما رجعك راح يخسر البنك إلي يصرف عليه وعلى اهله ما عندي اي نصيحة..لأن المشكلة في راتبك إلي يروح له ولبنته واهله على بساط احمرشئ واحد جاء على بالي وكلما قريت باقي السطور ارجع للفكرة الأساسية إنتي بالنسبالة بنك...
والله العظيم ماعليه من الراتب
لجل عناده ممكن يسوي اي شي
لجل عناده ممكن يسوي اي شي
انا بعطيك نصيحه لاتحاولين تطلبين رضاه حاولي ترضين الله راقبي مابينك وبين الله وان شاءالله تنصلح كل امورك وراتبك وفريه لنفسك واذا طلبك قلي ماعندي امكانيه هذا الشهر حتى يمل
الصفحة الأخيرة
هو مستغل نقطة ضعفك وعارفها ان مالك احد.
المفروض حطيتي شروطك من اول الزواج هو حاط في باله انه ياخذك مربيه لبنته
عليك بالدعاء والاستغفار والاستخاره والله يسهل امورك