زووجي وخياناته وشكوكي

السلام عليكم 

ينات انا عندي مشكله مع زوجي متعبتني من زمااان




انا متزوجه من 6 سنوات جميله واهتم بنفسي كثير ومدلله زوجي بكل الي اقدر
بالمقابل زوجي مدللني ومو مقصر معي بشي أبدا 



هو يهوى الصيد وبمواسم الصيد يكون غير متواجد ومرات يسافر لدول عربيه عشان يصيد


قبل سنتين لما رجع من احدى سفراته فتحت جواله بالصدفه لقيت صور بنات ومسكر 
انهرت وواجهته بالصور بكى كثييييير وقال ان اصحابي هم اللي جابوا البنات وان انا مالي علاقه فيهم وماخنتك
طلبت منه نفترق خلاص قام بوس رجولي وبكى وانهار وقال "انا الوحيد بينهم اللي ماتبعت هواي وماخنتك ليه يصير فيني كذا"
حسيت انه صادق وقررت اسامحه وانسى كل شي

حاولت انسى لكن ماقدرت نحف جسمي وتساقط شعري من الهم بس ماكنت ابين له السبب
بعد سنه سافر مره ثانيه مع اصحابه لما رجع شفت نفس الشي بجواله بنت بقميص نوم بشقتهم
هنا قررت انها اخر لحظه لي معه واخذت ملابسي وقلت له يوديني 
تفاجأ كثير لما شاف الصوره واقسم انه مو هو الي مصورها وان هذي زوجة صديقه وجواله كان مع صديقه واكيد هو الي مصورها 



بكل القصتين ماكان يطلع بالصور ابدا كانت صور بنات بس بشقتهم يرقصون او يسبحون


صدقته مره ثانيه وعاتبني ليه افتح جواله بدون اذن


بعدها صار مايترك شي بجواله حتى محادثات مع اصحابه يحذفها

بعدهاا حملت وجبت ولدي

بعد مارجعت من النفاس اتغير علي كثيير اشوف بجواله قروبات ومقاطع اباحيه وصار يدخن ويشيش
وماصار يهتم فيني مثل قبل كأنه مو فارقه عنده وجودي من عدمه
ولما نبهته انه متغير صار يهتم فيني عشان ما الاحظ سبب تغيره



الحين بنتي عمرها خمس شهور وانا احس اني كاارهته ونفسي طابت منه
كل شوي اكتشف عنه شي جديد يكرهني فيه اكثر 
تععبت كثير وماشكيت لاحد من اهلي او اهله اخاف افضحه 


مادري وش اسوي صار يتمادى كثير 
وانا حاليا كارهته وافكر لما يرجع من سفره اني مارجع معاه 



تعبت منه كل مره اتفاجأ بشي يكسرني اكثر ويجرحني اكثر وهو مو حاس 
لاني من كثر ماتهاوشنا بهالموضوع صرت لما اعرف شي عنه اسكت وما اواجهه 

مرات اقول يمكن لأني اكل حبوب منع الحمل صايره اكبر الموضوع واجيب الذكريات القديمه ومرات اقول لااا هو الي غلطان


انصحوووني بنات والله انا تعبت 
انا بنت صغيره فقدت ضحكتي وصرت عصبيه ونحفت وشخصيتي المرحه اختفت من الهم 
 الكل يقولي شفيك انتي مريضه



.