الحمد لله ما عندنا اختلاط وهذا من فضل الله علينا

لما قريت موضوعك ضحك لاني تذكرت سالفة صارت لي مع زوجي قبل فتره وهي

صلحت الغداء وحطيته مجرد مادخل البيت ولما خلاص مابقى الا جلوسه معاي رن جواله وطلعت زميله له بالشغل وهي طبيبه واخذ جواله وطلع للحوش وحسيته مرتبك واستغربت وبعدها دخل مجلس الرجال والله بدون قصد مني رحت له وجلست بجنبه لاني ماحب اجلس وحدي وحسيت الرجال انلخم مايعرف وش يقول وعرفت انه يكلم زميلته فابتسمت له عشان ياخذ راحته وطولت المكالمه انقهرت مو عشان شي بس لان الاكل برد فقمت ورحت الصاله اناظر التلفزيون وبعدها بشوي جاء للصاله وقلت له هي متزوجه قال لا قلت اهاااااااا مسكينة ماتدري ان الواحد عنده اهل يجلس معاهم وان هذا وقت غداء!!!!!!!!!!!!! ضحك (يرقع) وسكت قال يالله وش فيك ماتقومين فقمت بس اكل سلطة وقمت قال وش فيك غرتي منها هههههههههههههههه قلت لا الحمدلله بس تعرفني ما اكل لما يبرد الاكل (هذا طبعي وانا صادقه) فنسيت السالفة وقبل كم اسبوع سالني قال انتي ماقد حسيت انك تغارين من اللي معاي بالدوام قلت لا اولا ثقه برب العزه والجلال وثانيا ثقه فيك وبنفسي لانك ماراح تلاقي احسن مني وان بغيت ان شاء الله تلاقيهم بالجنة (قصدت الحور العين) انصدم من جوابي وسكت

اول نصيحة عزيزتي خلي بيتك مكان راحته احتويه لاتخلين له فرصه يلاقي فيك زله ومهما غلط عليك اسكتي لانه بيعرف انه غلطان

خليه ياخذ راحته بالكلام معاك حتى لو بيتكلم عن اللي يشتغل معاهم (اعرف اسامي كل الطبيبات اللي يشتغلون مع زوجي لكن نصيحة من اخت لاتتعرفين عليهم عشان ماتخربين على نفسك وتفتحين باب انتي في غنى عنه)

لاتفتشين جواله ولاتشكين فيه ولاتزعجينه بكثرة مكالماتك وسالك فين كنت ومع ومين وغيره من الاساله

داااااااااااااااااايم يكشخ بدوامه كانه عريس وماذكر اني قد قلت شي بالعكس وهو رايح اقول يابختي فيك مثل القمر ويفرح ولما يرجع يكون قرفان وشكله طبعا غير بس عادي ماقول شي احيانا اكون مجهزه له بجامه او روب عشان اريحه ويلبسهم بالصاله بدون مايتعب نفسه ويروح لغرفة النوم

اعتبري زوجك مثل الطفل دلعيه واضحكي معاه وفضفضي له وباذن الله ماراح يفكر بغيرك والله يصرف عنه بنات الحرام واولاد الحرام ويخليه لك ويسخره لراحتك

والله انا زوجي مهندس سفن يعني شغله في الميناء يعني مكان ما فيه اختلاط الحمدالله

راما

طبيب وفهمنا انه اختلاط لكن اماكن ثانية مثل ايش فيها اختلاط
بما انك من السعودية

معلم ؟؟؟ عسكري ؟؟؟
تاجر؟؟؟ مقاول؟؟؟ بياع؟؟؟ ميكانيكي؟؟ سباك

وين الاختلاط ؟؟

حتى لو اماكن شغلهم مختلطة فلاتلفتون انتباهم لانه اصلا هم مايقدرون يتحرشون او يطالعون اللي معاهم في الشغل صدقوني لانهم عارفين انه مكان رسمي بس اذا انتي نبهتيه فبيلاحظ لبسهم وحركاتهم