زوووووجي

السلام عليكم ورحمة الله وبركاته
انا متزوجه من خمس سنوات وعندي بنت وولد
لما كنت بحملي الثاني فتحت جوال زوجي بدون علمه وشفته ضايف بنات بالإنستقرام و يتغزل بصراحه تعبت حيييل وما واجهته لما ولدت فتحت جواله مره ثانيه ولقيته مستمر ما تحملت وواجهته يقول عادي انا ما كلمت ولا قابلت
زعلت وبعدها اعتذر وحذفهم وقال ما راح يرجع لهالسوالف مره ثانيه
بعد شهور فتحت جواله ولقيته ضايف بنات ويتغزل بوحده صورت الشاشه وارسلتها من جوالي له وزعلت قال نفس الكلام عادي انا ما كلمت ولا قابلت وزعل ليه تفتحين جوالي
من بكره اعتذر وقال هذا طيش وهم ما هموني وحذفهم كلهم وقال آخر مره تفتحين جوالي لو فتحتيه ما يصير خير
قبل مده غير جواله بس برامجه نفس الحساب القديم فتحت جواله القديم هو تاركه بالدرج ما يستخدمه
فتحت اﻹنستقرام إلا هو نفسه اللي بجواله الجديد نفس الحساب يفتح بالجوالين صرت إذا طلع افتحه واشوف من يضيف بالبدايه ما اضاف بنات بس يعلق على المواضيع ويمنشن البنات احسه يتعمد يسولف معهم ويتميلح بعدين اضاف وحده وانا بلكتها من جواله اللي بالبيت وبعد مده اضاف ثانيه وبلكتها بعد
فتحت على إيميله بالجوال اللي عندي لقيته حاط الفيس بوك هو حطه العام وشفته وحذفه علشاني لقيته مرجعه ولقيته يسولف مع البنات و هلا وغلا وشي يقهر شكله حذفه مده ورجعه
لقيته السنه اللي راحت مرسل رقمه لوحده وصخه ويقول كلميني إنقطع مده عن الفيس بوك ورجعه تو لقيته طالب صداقه من بنات
بموووت من القهر ادري إني لما فتحت جواله اخطيت بس ما اقدر امسك نفسي
لي كم يوم مو على بعضي مدري اقوله او لا
إذا طلع من البيت ابكي وامسح دموعي علشان ما يحس بشي قبل كم يوم قلت له انا قلبي مو متطمن حاسه إنك تسوي شي من وراي
زعل وقال انا ما اسوي شي وإنتي ما تثقين فيني وانا احبك وإنتي كل دنيتي
ما ادري وش اسوي قلبي مثل النار شلون يخدعني ويمثل إنه ما يشوف غيري وهو يسوي كذا
اللي عندها راي يفيدني لا تبخل فيه