زوووووووووووجي

السلام عليكم
بنات ودي اشتكي من زوجي
بارد معاي بشكل موطبيعي
يعني ادري عن الاشياء اللي تصير بالبيت من الناس
مايعلمني بشي ولاادري عن اي شي
دريت بالصدفه انه ولد اخوه ياله ولد
ودريت بالصدفه انه واحد من عايلتهم انفصل عن مرته
وطبعا دريت من سلفاتي شلون تطلقت وليش
واهوا ماتعب نفسه يقولي
انقهر واسكت
بس خلاص قمت ماتحمل
دريت صدفة انه شرا سياره حق السواق
وانه دفع فلوس حق فلان
وتوه شاري طراد
وكل اللي يصير تقولي عنه سلفتي اللي معاي بالبيت
وتقولي ريلج ماقالج
اول اقولها ها مادري ماسئلته
اخر شي اقولها والله ماقال ولا شي
وسلفتي ريلها يقولها كل شي
ويقولها عني بعد قبل لا تتزوج
وانا ريلي ابد مايفكر يقولي شي
توني قبل لا اكتب الموضوع
تهاوشت معاه
علي شنو
اهوا واثنين من اخوانه راحو شورو لهم طراد
وكل واحد يدفع مبلغ
واهوا قالي ليش قالي
لانه السالفه فيها فلوس
وقالي بفولج قبل لاتسمعين من بره
بس ماقالي كم المبلغ ولا شي
مرت حماي قالت لي
انهم شروه بهالسعر وانه مال فلان باعه لهم
و و و
كل شي قالت له لي
قلت له الحين احنا عشرت عمر ماتعلمني
وحماي اللي توه متزوحج مرته تدري بكل شي