شوفي حبيبتي ،، هذا رايي يمكن يكون قاسي شوي بس و الله اتكلم من خوفي عليك ،،

اول حاجه زوجك تزوج و انتهى الامر ،، يعني ( انت تقبلت الامر من البداية ،، يوما اقنعك بانها مسكينه و مادري ايش ،، بعدين الحين تنقلبين ليش ،، لانه حط في باله ( انه يقدر يقنعك بكم كلمه ) ،،

ثاني حاجه انتي غلطانه في الا سويتيه من تكسير ،، والله حرام عليك ،، هذا من النعم الي عطاك الله ،، و تزعلين اذا قالوا انك انجنيتي ،، و انتي الي اعطيتيهم الفرصه علشان يقولون كذا بالي سويتيه ،، المفروض انك وحده عاقله و فاهمة ،، و انا معك انه شيء يقهر بس انت كسرتي حلالك انتي الي شاريته و هو ماتعب عليه و لا شيء ،، حبيبتي ليش ما لجأتي الى الصلاة الي راح تريحك ،،

ثالث حاجه ابغى الفت نظرك لها عيالك تقولين انهم ما راح ينسون الي سويتي ،، و الله حرام ان يشوفون هالشيء من امهم مربيتهم ،، و صدقيني راح يتاثرون و ماراح ينسون ،،

و الا يقهر انك شاغله نفسك بالثانيه وش قالت و ش سوت ،، حبيبتي خليك في نفسك و ابعديها عنك و لا تخلينها تأثر عليك كل هذا التاثير ،،بعدين انتي الي راح تضرين ،،و هي مبسوطه ،، يكفي اخذت زوجك بعد تبغينه تأخذ عقلك و صحتك ،،
معليش مره ثانيه اذا كنت قاسيه عليك ،، بس ابغاك تنظرين للمشكله نظرة واقعية مهوب نظرة عاطفية ،،
اليك رايي:

اولا: قومي الحين و توضأ و صلي ركعتين لله ،، و ادعيه بقلب خالص،، ان يسامحك على الي سويتي ،، و لا تنسين ( و من يعمل مثقال ذرة شرا يره ) ،، الله يعينا على ذنوبنا..
ثانيا: عليك بالدعاء و الدعاء لك و لزوجك ( لا تدعين عليه ابدا فهو جنتك ونارك ) مع تحري اوقات الاجابة.. و صلاة الليل و الله انها علاج فعال لكل مشكلة ( و احنا غافلين عنها ).
ثالثا: ارجعي لنفسك ،،و قولي لي ( انا زوجي تزوج و انتهى الامر بس هذا مهوب اخر الدنيا ،، و اوعديها وعد انك ما تخلين هالشي ياثر عليك مره ثانيه ).. وعيشي حياتك مثل ما كنتي و احسن بعد بيكون صعب في البداية بس بتتعودين..
رابعا: عيالك امانه في عنقك ( انا مادري وش اعمارهم ) اجلس معهم و فهميهم بطريقة يفهمونها ليش سويتي كذا ،،مهوب تقعدين تسبين في ابوهم ( لانه زي مافهمت من كلامك ان علاقتهم به زينه ) و ارجع لهم الام الحنون القوية ،،، و لا تطلعين قدامهم مرة ثانيه اي ردة فعل.
خامسا: نجي لزوجك ،، خليك طبيعية معه،، و بالعكس تزيني له اكثر و تدلعي له ،، ( لانه فيه وحده ثانيه زوجك شكله منهبل معها ،، اكيد بتدلع عليه ) بس انت الاولى وام عياله و بنت بلده ،، و لا تخافين راجع لك باذن الله راجعلك،،
سادسا: الحرمه الثانيه شليها من راسك و لا كانها موجوده ،، خليك احسن منها.. و ما عليك من الناس و الي يقولونه لانه ( من راقب الناس مات هما )

حبيبتي انتبهي لنفسك و لعيالك ،، و اتمنى ان كلامي يكون خفيف عليك و تأخذينه بصدر رحب ،،لاني بصراحة ترددت كثير لارد عليك ،، بس والله ما عجبني هالي تسوينه في نفسك ،، و اعتقد انك كتبت الموضوع تبين حل ،، مهوب احد يأييدك أو يقويك على زوجك ،، و اذا قصدك احد يطبطب عليك فالبنات ما قصروا،،
و اليك دعوة من دعواتي:
اللهم اهديها و وفقها لكل ما ترضى ،، اللهم ارزقها الحلم و الصبر،، اللهم سخر لها زوجها ،، اللهم سخر لها زوجها ،، اللهم سخر لها زوجها ،، وحببه فيها،،
اللهم احفظ لها عيالها و ابعد عنها كل شر و كل حاقد،،
آمين ،،آمين ،،، آمين ،، قولوا آمين يابنات،،
و قلبي معك ،، و سلامتكم،،

حول ولا قوة الا بالله
وربي حاسة فيك يا الغالية والله انقهرت آة لو بيدي كان ما خليت رجال بها الدنيا جننونا حسبي الله عليهم
وعليك بالدعاء ما فيه أحسن منه
والله يعينك ويوفقك ويرجع لك زوجك و يترك الستر الي بيدعية و يستر على ام اولادة احسن له لو الستر كذا

و الله حججهم تفور الدم و ترفع الضغط و الله لا يهنية مع الثانية آمين
وها البنات ما يستحوون يهدون بيت ليه ما تاخذ بفيزتها واحد فاضي
ذكرتيني بقصة واحدة مسكينه شارفت على الجنون من تحت راس زوجها تزوجته وهو طالب وصبرت وكانت تشتغل وتصرف علية وعلى البيت والله انها قالت حتى ملعقه ما اشترى ولا يشتري شيء خلاص رمى الحمل كله عليها المهم بعد 25 سنه زواج اتزوج من واحدة عمرها19 سنه ياريت من فلوسه كان هانت الا من حقارته هي الي جمعت فلوس طول عمرها و باعت ذهبها و الله علشان تشتري بيت و اعطته الفلوس علشان مو معقوله حرمه تدور بيت راح تزوج عليها بعرقها وشقاها وصبرها علية والله بعض الرجال ما يستاهلون شيء و نفوسهم دنيئة
الحرمة دخلت المستشفى شهر تخيلو و بعد شهر رجعت البيت حطام امرأة لكن ربي موجود سبحانه تعرض لحادث و انكسرت رجله و قامت البنت الي عاقد عليها (ملكه فقط) تزورة و تعطية ورد وزوجته اخذت دين جديد المسكينه وسافرت هي وياه برا تعالجه ياصبرها ماشاء الله
يا قلبها
يا ويا
شو اوصفها مدري
المهم لما رجعو لديرتهم طلق العروسة ورد لبيته ورجع يعني يصرف شوية وتحسن كثير سبحان الله
بس من وين نجيب هالقلب و هالصبر

جزاكِ الله خير يا ام هوازن ....
رايكِ عين الصواب ..
اختي ياعمري يالاحساس صدقيني لوقدرتي تسوي زي ما قالت ام هوازن عين العقل ..
والله ييسر امورك ...:26: :26: :26:

خواتى العزيزات
مشكورين على هالردود الى توسع الصدر وتفتح المخ ,لانى فعلا ظلمت نفسى قبل لا زوجى يظلمنى
اول خطوة سويتها عشان اصحح مسار حياتى قبل امس راجعت الوزارة وضبطت امورى للعودة لوظيفتى بعد عيد الأضحى انشاء الله اما من ناحيت الإتصال على زوجى فتوقفت لانه كانه ما صدق مسك على غلطة عشان يروح يرابط عندها .
انا ولله الحمد فلوس وعندى مش محتاجة اتسلف من احد ,فى اليوم اللى راجعت فية الوزارة اخدت اولادى وتغدينا وتعشينا بالمجمعات التجارية ما تركت سوق الا ودخلته واشتريت لى وللاولاد حاجات العيد . وانبسطنا اخر انبساط

بس اللى يضيق الخلق
ان انعزاليتى ما كانت من فراغ , اهلى وناسى كنت طول ثمان سنوات وانا اكدب عليهم واقول زوجى ما يقصر وهو اللى اشترى وهو اللى حط وخصوصا عند امى كدبت عليها كثير وكل هدا عشان احببهم فيه يعنى عشت بالوهم وعيشت االناس اللى حولى بالوهم . يا ليتنى كنت صادقة مع نفسى و معاهم كنت اضن اني اسوى خير لما استر على زوجى ولا ادرى هل راح يحاسبنى ربى . والله والله العالم كلها عندنا عايشه عيشتى مدرسات معاى يشترون سيارات لازواجهم مش بس للبيت والأولاد .

انا الحين فى هالحظه ما افكر فى زوجى ليرجع ولا فى البيت وخرابه بس افكر اشلون أبرر اللى صار لاهلى ؟؟؟؟؟؟؟؟؟؟؟؟؟؟؟ساعدونى الله يخليكم ابى رد مناسب


ام هوزان عسى مثواك الجنه ولكل الخوات اللى نورونى بافكارهم والله يا اختى انى كنت ادخل المنتدى لاتسلى واضيع وقتى عشان انسى همى ما كنت اتصور انى راح استفيد . والله يا اختى قبل لا تكتبين ردك هدا انى كنت اقرا الموضوع اللى كتبته عطر الليل جزاها الله الف خير فكنت متأثرة وانت ما قصرتى بعد اثرتى فينى اكثر . وكل الخوات اللى ردو على حتى لو ما دكرتم بالأسماء عسى الله يوفقكم ويهنيكم ويسعدكم مثل ما اسعدتونى .

بصراحه زوجك نذل ...لو منك مااعيش مع الي مايحافظ على المعروف !! ونسي كل تضحياتك عشان وحده اخدت عقله على الاقل يعدل ...رايي لو حتعيشي معاه نهائي لا تصرفي عليه ..حتى اولادك حاولي ماتظهري انك تشتري لهم خليه يقوم بدورة ولا ليش اتزوج لو موقادر يصرف على بيتين !!! واهم شئ لا تحرقي اعصابك وتنكدي على نفسك مايستاهل ارجعي شغلك وعيشي حياتك ....افرشي بيتك جدديه لانه المكان الي انت فيه وملكك ولا تجلسي تفكري فيها لانه تفكيرك في الي يسويه لها حيجننك من جد وفي الحاله دي
من الخسراااااااااااااااااان ؟؟؟؟؟؟؟؟؟؟ انت وبس !