حسبي الله ونعم الوكيل ..
والله اني اكتب وامسح من القهر اللي فيني ..
وخايفه اقول كلمه اطلع احرضك والا اشيشك عليه لاني مااتحمل يمكن لو كنت مكانك
كان نزلت كسرت بيت الثانيه على روسهم الاثنين ..
لكن ماقول الا الله يصبرك ويكملك بعقلك ويرده لك ردا جميلا ..

الله يكون بعونك حبيبتي
المهم لا تخلينها تستفرد فيه حاولي تكسبينه وترجعينه لك باي وسيله واثبتي له انك الافضل والله يوفقك

حبيبتي ديري بالك على صحتك ترى محد ينفعك ....
ولا تتهاوشين معاه ولاتتكلمين عليها ..بيني له انت احسن منها ..ترى الهاوش والحساب راح يبعده عنك اكثر وراح تسيطر على كل شي حتى عيالك .. انتبهي وفكري بعقلك ولاتضيعين الاولي والتالي..ولك الاجر ان شاء الله
والله يفرج همك عاجلا غير اجلا..

الله يفرج همك .. ويرجع لك زوجك .. ويسعدك ويهنيك .. آمييييييييييين

وعليك بدعاء في اخر الليل وصلاة الوتر وان شاء الله كل شي بيرجع زي اول واحسن ..

حسبي الله عليه وعلى كل الرجال اللي مثله هو يستهبل عليك من اول وشو الرحمه راحمها عطها قروش مو تعرس عليها الحمد لله يستهبل


اما التكسير والله معك حق لو محلك كان سويته من زمان ومن قال عنك مجنونه هو اللي مجنون والله شي يقهر الناس مو صاحين والرجاجيل.................

لا تضيعين نفسك عشانه ارجعي لوظيفتك واضحكي وانبسطي انتي اللي تصرفين على البيت وعندك عيال يعني وش تبين فيه اللي مثله ما ينبغا اقطعي علاقتك فيه كزوج تماما هو وظيفته ابو عيالك فقط حطي هذا الشي في بالك بترتاحين اذا شلتي من بالك انك تبين ترجعينه انبسطتي وعشتي حياتك اما اذا عشتي تدلعين فيه وتدارينه على امل يرجع قعدتي طول عمرك في هم وتفكير وش اسوي وش احط الا ارتاحي من الهم وخلي اللي بينكم رسمي بس ابو لعياله يدخل البيت ويطلع على كيفه لكن كاب للاولاد فقط وانتي خليه يجيب لك اثاث بدل اللي راح ويصرف على عياله يعطيك مصروف كل شهر مبلغ الف عن كل ولد يعني 4000 بالشعر حق عياله اكل وشرب واغراض مدارس و الطلعات عشان ما تصير كثيرة مرة وبراتبك زيني بيتك بالديكورات والخرابيط ووسعي صدرك بالطلعات والروحات والجيات وشيليه من بالك اللي مثله ما ينحزن على شانه