السلام عليكم
دخلي انا شخصيا لسه بعتمد على والدي الله يخليه لنا بس خبرتي مع العمل براتب اغلبها تكمن في المدارس الاسلامية ..او في مدرستي الكنديه السابقه سويت كذا مرة كذا تصميم او عمل مقابل فلوس لكن كانت اشياء بسيطه جدا ..بالنسبة للمدارس الاسلامية صحيح الراتب ولا شي بس انا كنت رايحه الهدف الأول هو اني اكسب الخبرة ..
طبعا غير عن الاعمال الكثييييييييييييييرة اللي منغير راتب اشتغلتها .. السبب في ذلك انه لما تشتغلي يطلبوا منك خبرة ولو ماعندك خبرة ماحد راح يرضى يشغلك ..


بالنسبة لك ياوفاء احس افضل طريقه انك تفتحي دي كير في بيتك يعني خصصي غرفه حطي في العاب وسبورة وحطي اعلان في المسجد عن بيبي ستر مسلمة .. وممكن تحطي فيها انه راح تعطيهم وجبه وراح تحفظيهم سور قصيرة وبعض الحروف العربية او الانجليزية . .. وهكذا
رغم كثرة هالشغله حاليا الا انه في امريكا وكندا لازال هناك عجز في هذا العمل 600 الف موظفه!!
يعني من هنا لعشر سنين على الاقل هالشغله دايم مطلوبة..
جارتنا فلبينية وزوجها مسلم من خمس سنين للأن في الساعه ثمانية صباحا يجي بيتها خمس اطفال فقط (لاحظي خمسة بس!!) قالت لنا انه اقل مبلغ تطلبه اي بيبي ستر هو سبعه دولار في الساعه بينما انا طلبت (دولارين!!!) الكندين جو شافو بيتها قابلوها ارتاحوا لها ..
قالت لنا عندي خمس اطفال كل واحد دولارين في الساعه هذي عشرة دولار الاطفال يظلوا عندي من الساعه ثمانية الصبح حتى اربعه العصر هذي ثمانين دولار في اليوم على خمس ايام 400 دولار في الاسبوع ..
في نهاية الشهر المبلغ حلو جدا ماشاء الله .. وقالت لنا انه الاطفال في ساعه عندهم نوم وساعة دراسه وساعه اكل والباقي كله لعب ..
جربي افتحي المجال لطفل طفلين ثم كبري البزنس
ويكون احسن لو اخذتي شهاده في
early childhood education
وهي شهادة سنة ونصف او سنتين فقط يعني ماهي بكالوريوس ..
اختي الان تدرسها وعلى فكرة هالشاهده مطلوووووووووبة في جميع انحاء العالم ..
نعرف كذا وحده معها الشهادة وين ماراحوا ماشا الله على طووووووول يلقوا شغل لانه يقولوا شهادة تربية ومن كندا واااو!! على طول الناس تأمن منها..

جزاكم الله خيرا
شكرا لك حرم الدكتور على النصيحة
وجزاك الله خيرا يا رغد الحياة وما قصرتي في النصيحة
وانا بفكر في الموضوع دا بس محتاج بيت كبير معه بسمنت
وفي انتظار افكار تفيدنا كلنا