زيادة الوزن والحمل الي عندها تجربه تفيدني

علاج السمنة والنحافة

السلام عليكم ورحمة الله وبركاته
انا الحين حامل في الشهر الخامس ووزني ٨٥
خايفه لا يزيد اكثر ابغى شئ ينزل الوزن او على الاقل يثبته
وزني زاد بعد ولادتي الاولى والحين بيزيد اكثر في حملي وولادتي ذي
الله يسعدها الي تفيدني بنصيحه او تجربه او نظام غذائي صحي
2
517

يلزم عليك تسجيل الدخول أولًا لكتابة تعليق.

تسجيل دخول

[Faith]
[Faith]
حبيبتي الطبيعي انك تزيدي من 7 كيلو حتى 15 كيلو في الحمل ,,


انا ازيد زياده متوسطه واحافظ على وزني وانا حامل بفضل الله والدعاء ثم الاراده ,,


اول شي ال4 شهور الاولى ماازيد اكلي ولا يزيد وزني الا نص كيلو او كيلو فقط ,,


بعد كذا يبدا وزن الجنين يزيد والمويات تتجمغ في الجسم فطبيعي يزيد وزنك لكن ممكن تخليه يزيد باقل قدر ممكن ,,


اول شي كثري شرب مويه اشربي حتى لو حاسه بالجوع بدال الاكل اشربي كاستين مويه ,,


ع الريق كاستين مويه مع ملعقه عسل ,,


اجلسي ساعه او ساعتين حتى تجوعي وافطري بيضتين مسلوقه او مقليه بملعقه زيت زيتون مع حبه توست مع طماطم وخيار مع عصير طبيعي ,,
او ممكن حبتين توست مع بيضه وشريحه جبن قليل الدسم برضو مع خضار خيار وطماطم وخس ,,
او ممكن جبنه قليله دسم او 4 ملاعق فول اوتونه بالمويه والملح او زبدة فول سوداني مع مربى خاليه من السكر او مع ملعقة عسل صغيره ,,
وخذي حبة الحديد معاها ,,


بعدها سناك ولاتاكلين الا اذا حسيتي بجوع يااما 3 تمرات مع كاسه حليب قليل الدسم او فاكهه ,,


الغدا 6 ملاعق رز مع صدر دجاج وسلطه واذا كنتي تجوعي مره سويلك شوربه خضار بدون دهون وخليها في الثلاجه وطريقتها سهله قطعي كل الخضار اللي موجوده عندك وحطيها في مويه واسلقيها بعدين في الخلاط وبهريها وملحيها واحلى شوربه صحيه بس ابعدي عن البطاطس ,,
ويصير مع الغدا خوذي غرفه صغيره منها ,,
وخوذي حبة الفيتامينات,,


بعدين سناك بسكوت نخاله حبه او حبتين مع شاي او لوز وكاجو وفستق,,
او تمر مع لوز احشي 3 تمرات بلوز لذيذه وتشبع,,


انا ايام حملي اشتري لوز وكاجو وفستق بدون ماتكون محمصه او مملحه احبها ومفيده وتشبع وتنفع سناك عند الطوارئ ,,


العشا شريحة توست مع لبنه او جبن او لبن زبادي قليل الدسم او 5 تمرات مع كاسه حليب قليل الدسم وحاولي العشا يكون خفيف ومافيه نشويات ,,
وخذي حبة الكالسيوم ,,


انا كذا نظامي وماازيد كثير الحمدالله ,,
طبعا الحلويات مره او مرتين في الاسبوع وخليها في الصباح علشان تنحرق,,
ولو الدعوه فيها مطعم بس كلي بروتين مع سلطه يعني دجاج مشوي مع سلطه او كباب مع سلطه ولقمتين من الحلى بدون رز وعيش ,,


حاولي تقاومي نفسك لاتحسبين اني اسوي كذا بالساهل والله اني اضغط على نفسي علشان ماازيد ومااكون في النفاس بنفسيه زفت يكفي السهر مع البيبي والتعب فماابغى ازيد فوق همومي هم جسمي ,,


كل ماجعتي اشربي كاسه مويه واذا استمر الجوع كولي اي شي صحي من فواكه او شوربة الخضار او تمر او مكسرات مفيده ,,
وحطيلك عصاير طبيعيه في الثلاجه بدل ماتخبصي اذا جعتي او عطشتي اشربيها,,


وفي الشهر التاسع وقفي اكل تمر لانه يزيد وزن الجنين بسرررعه,,


الله يقومك بالسلامه ودعواتك لي 💓🌹
بلا تعريف
بلا تعريف
الله يجزاك خير ماقصرتي كفيتي ووفيتي
بحاول اعمل الي قلتي عليه
الله يسعدك دنيا واخره ويعطيك الي تتمنيه وزياده
ادعوا لي بقوة الاراده والثبات