الله يصلحك احسك كبرتي السالفه. بصراحه مستغربه انك ماتحبين تسولفين مع امك. امي الله يجعلها في الجنه يوميا اكلمها اذا ماقدرت اروح لها وممكن مرتين كمان اكلمها. اربطي قربهم بمتعه مو بالاجبار عادي حتى لو تقعدين تسالينها عن الحمل واشتكي لها من التعب عشان ترحمك. الشي الثاني رتبي بيتك مره في اليوم مو عشرين مره وبنتك خصصي لها مكان معين تلعب فيه. وخذي الحياه ببساطه وحب. انت مشكلتك تخدمين الي حولك وانت مجبره. حولي بس تفكيرك الداخلي اربطي الاشياء الي تسوينها بمتعه واحتساب.

واضح ماتبين أهلك وتدورين حجج لعدم زيارتهم
بيتهم صغير
ماعندي احد يوديني
تعبانه
بنتي مريضه
أمي كانت تكلم أخواتي
و..و..و..
وواثقه لو بنسمع من أمك وأخواتك بنلقا عكس كلامك.. ما أكذبك بس كل السرد الي قلتيه حسسني إنك ما تبينهم.

نصيحه لوجه الله حطي المنبه على ساعه معينه بشكل يومي ولما يدق كلمي أمك واخضعيلها وسولفي معها وقول ادعيلي يمه بالتوفيق والسعاده.
اعزميها ناديها تجيك.
الأم بركه وسعاده.
الفرصه الي تجيك روحيلهااااا وزوريها واطلبي برها ورضاها.
مافيه أحد عاقل بيقول لاتكلمين أمك ولاتحرصين على زيارتها أبداااا!!

كل المتاعب بتروح وكلنا نتعب وتشغلنا الدنيا..بس عن امهاتنا لاااااا.. ولاندور الأعذار عشان مانواصلها بأي شكل.

حتى وانت تطبخين مثلا كلميها فيديو وسولفي معها واضحكي .

ترى بكره لا غابت عن الدنيا تتمنيييييين بس تسمعينها تناديك.

إنتِ أدرى بحقيقة الوضع كاااامل وأدرى بمشاعرك منا

لكن لاتنسين إنه مجرد إتصال ما بيتعدى عشر دقايق مابيكون مستحيل ولابتكونين ٢٤ مشغوله لدرجة ماتفضين هالعشر دقايق!!!

ورضا الله من رضا الوالدين.