زيارة الساعة وحدة الليل

مساء الخيرات

جارتي جديدة في عمارتنا .. قابلتني مرة قبل رمضان عند الباب وانا خارجة وسلمت علي وقالت انا بكرة أجي عندك ان شاء الله قلت الله يحييك .
ثاني يوم خلصت شغل البيت بدري وسويت حلا وقهوة وجهزت عصير ومعجنات وكل شي وجلست انتظرها وتأخرت وأنا كنت نعسانة مرة ولاقدرت أنام كله عشان لاتروح علي نومة .

اتصل عليها ماترد ، ارسلت بنتي تدق عليها وماردت. وبعد انتظار حوالي اربع ساعات ارسلت رسالة تقول معليش انا راحت علي نومة ولاتزعلي اجيك مرة ثانية.

بعدها باسبوع اتصلت علي وقالت بكرة اجي عندك ، قلت لها طيب انتظرك وجا اليوم الثاني لاحس ولاخبر تركتها ولادقيت عليها ولاشي وهي مااتصلت ولااعتذرت.

اتصلت بعدها بكم يوم طنشتها مارديت عليها كنت مشغولة مره وارسلت لها رساله اني مشغولة .

امس اتصلت الساعة وحدة بالليل تقول انت بالبيت بنزل عندك قلت لا برا قالت طفشانه كنت بجي عندك . خلاص بكره اجي وانا انحرجت منها مرة وماجا في بالي اي عذر وقلت طيب وندمت .

انا مقهورة منها ومن تصرفاتها مرتين خلتني انتظرها وماتجي وكمان مواعيدها غريبة تتصل الساعه وحدة تقول بجي عندك وانا بهذا الوقت اكون بجهز السحور ، ماادري انا احس رمضان مافيه وقت للزيارات المطولة الواحد يادوب يخلص فطوره يصلي وينظف شوي يجي العشا والتراويح وبعدها راحة ساعتين ويبدا يجهز السحور .

لو انتوا مكاني كيف تتصرفوا معاها هي تبي تجي اليوم ، انا خايفة اجهز كل شي واتعب نفسي واحرم نفسي الخروج او الراحة عشانها وماتجي .