وان شالله تروح وترجع بالسلامة
قبل لاتجي سويت كب كيك مالح
وكيكة البرتقال
وسندويشات جبن سايل مع نعناع مفروم وزعتر
وكان عندي حلا البارحة مسويته لبيت اختي سبحان الله والله كتب يكون من نصيبها بالعافية على قلبها:)
الحمدلله وهذا اهم شي انها انبسطت وتقول ياليت جيت من وهل حتى اقعد اكثر
مافي الا انا وهي يحليلها
هذا الكب كيك المالح لذيذ ماشالله
وهذاك الصحن سندويشات الجبنة والنعناع
كيكة البرتقال ماشالله روعة
وهذا الحلا
الطبقة الاولى بسكوت مخلوط بالنستلة
الثانية علبة قشطة و4 حبات جبن كيري ونص علبة نستلة
عالوجه شوكلت مبشور
المكونات
كوب طحين
نص كوب زيت زيتون
ثلاث ارباع كوب لبن
2 بيضة
فنجان سكر
شوية ملح انا هالمرة سويتها بدون ملح طلعت حلوة بعد
م ص بيكنغ باودر
نخلطهم في الخلاط
نصب ملعقة من الخلطة في الورق
نحط فوقها جبنة الكيري والزيتون الاسود المقطع
بعدين نصب من الخلطة على الجبنة
وعالوجه نرش الزعتر
وندخله الفرن من تحت اول لمدة 20 دقيقة وبعدين نحمر من فوق
كيكة البرتقال
كوب طحين
بيضتين
ملعقة صغيرة هيل
ملعقة صغيرة بيكنغ باودر
فنجان قهوة زيت
نص كوب سكر
نص كوب حليب سائل
نص كوب عصير برتقال
نخلط كل المكونات في الخلاط مع بعض ماعدا الطحين والبيكنغ
اخر شي نضيف الطحين مع البيكنغ باودر واخلطه شوي
وبعدين اصبه في القالب المدهون بالزيت ونثرت عالوجه فستق مجروش
وادخل القالب الفرن المسخن من قبل
اول شي من تحت بعدين من فوق
كانت قعدة حلوة ومر الوقت بسرعة ولا حسينا
الف صحة وهنا
والله يحفظنا واياكم من كل شر