زيارة اهل الزوج

ودي استشيركم في شيء مهم وهو من تزوجت اعاني منه زوجي يبغى نزور اهله بين كل يومين لان قريبين مناا وفي وقت متاخر وجديا هذا الموضوع مسبب لي ازمة نفسية كبيرة كون اخته موجودة دايم في بيتهم ومرة ضيق بيتهم المهم وانا ماودي ازعج الناس وازورهم ووقت متاخر لانه يرجع من الدوام يعني انا اقول على امل يرجع البيت ويعني وقت بعد متاخر  يعني مثلا حتى ١٢ الليل وانا ماحب اطلع هالوقت ماتخيل يوم من الايام كذا ولو طالعة لناس يسعدني ماعليه لكنها طلعة اقسم بالله تيب الهم هم يعني وقتهم بالعكس يصحو وينامو وكل شوي يقولوا شكلك تعبانه من ويش تعبانه هالله هالله ومن هالكلام يعني انا جماد ماتعب ماشتغل في البيت عشر شغالات عندي يعني وانا اصحى بدري مرة اصلا مانام غير ساعتين وعندي ارق بعد واشرب شاي وقهوة وقت متاخر واخته كل شوي تقول توي ترى مكنسة وكلام يعني كانها مزعوجة انا ماودي ازعجهم واروح كل يومين وانا اصلا تعبانه ماودي اروح بس زوجي مايسمع كلامي ولاكانه اتكلم وحتى اصلا مانوسخ واذا وسخنا اقعد انظف لهم بس هي مستحيل ماتشوفني جاية الا لازم تخدر حتى ودي اطلع افلح بس وش نسوي يعني انا جيتهم مجبورة انا حتى اهلي ماروح لهم كل يومين …بس مهما اتكلم مافي فايدة مع ان معي فلونزا اصلا ومن اسبوع وكان اسمع امه تقول معها فلونزا ويعني ماقال لي انهم مرضى وانا رحت ومرضت.
ادري مافي مهما احد يرد مافي حل زوجي ماله حل جربت ارفض وارفض الروحة دون فايدة لازم اروح حتى لو تعبانه.