انا تقريبا كل اسبوعين او 3 ..وغاالبا اروح بعد المغرب الى 12 بالليل..وانا ولله ودي اروح اسبوعيا ..علشان الواحد مايقطع فيهم..بس مشوارهم بعيد يمكن ساعه عن بيتي..وزوجي دايم مشغول مايفضى يودينا..لكن هو ممكن يمرهم بروحه اي وقت وهو راجع من الدوام..

انا اروح لهم كل خميس من كل اسبووع نروح من بعد المغرب الين الساعه وحده بالليل
ومافيها شئ هذا واجب علينا نزورهم هم الكبار واللي لهم الحق والواجب مو معقوله اسبوعين مايشوفون ولدهم واحفادهم

انا زوجي يزعل مني عشان ماروح لاخته كتير يقولي هي طيبة بس انتي ماتبينها
يمكن لاني مبينه مشاعري فنصيحتي لا وحدة تسوي مثلي لو ماتحبينهم جامليهم
عشان زوجك ماراح ينساها لك

انا احب اهل زوجي كثيييييييييير وحتى هم يحبوني كثير ويحترموني وهم ناس محترمين جدا ومتدينين
واحنا متداخلين مره
صحيح انا الان مغتربه بس كمان لما كنت قبلها عايشه معاهم وفي نفس البيت
كنا دائما مع بعض ونجلس مجتمعين وفي المناسبات ننصح بعض في ايش نلبس وايش نعمل في العزايم يعني كاني بين اهلي وبين اخواتي
وهم ماشاء الله ام زوجي وسلافاتي وبنات اخوان زوجي وحتى خوات زوجي لما يجون عندنا

وحتى اذا سافرت نفس الشيى يحدث برغم من اني اجلس معهم في نفس البيت

وحتى اسرارهم معي واسراري معهم

وام زوجي طيبه مرة احبها مثل امي الله يشفيها ويخليها لنا

نصيحه يا بنات لما تتزوجو عاملو اهل ازواجكم كما تحبون تعاملون اهلكم وكما تحبون حريم اخوانكم يعاملون اهلك والله با تشوفي كل الاحترام والتقدير

يوم كنت ساكنه عندهم بنفس المينه كنت تقريبا كل يوم نجتمع يايجوني ياأروح لهم والحين انا في مدينه ثانيه نادر مايجوني لاني بعيده مره بس احنى نروح لهم بالاجازات والاعياد والمناسبات صراحه احب اروح لهم وناسه لانه خوات زوجي تقريبا في نفس سني واصغر واكبر يعني شلة بنات نهر في الليل ولعب وفرفشه الله يذكرهم بالخير وعمتي كأنها امي الله يطول عمرها ويسعدها احبها من قلبي الله لايغير علينا