كيفكم حبيباتي:heart:
امس ياغاليات زاروني صديقاتي وحبيت اسوي شي سريع ولذيذ وماياخذ من وقتي كثير واكون مرهقه لما يجون واهم شي التجهيز المسبق لكل الاطباق خلصت آخرها المغرب وقبل العشا كملتها والحمدللهنال العشا استحسانهم :happy::biggthump
الحلويات كانت من برا سويت بالبيت بلح الشام وقطايف مسويتها من قبل
القطايف
بلح الشام :
طريقته :كوب حليب سايل ربع كوب ماء نص قالب زبده 50 جرام زعفران ورشة ملح على النار حتى تغلي يضاف له كوب طحين ونص ملعقه صغيره باكينج باودر ويحرك بقوه حتى يتشرب الطحين كل السايل واطفي النار حتى يبرد اضيف حبتين بيض وحده حتى تختلط تماما بعدين الثانيه مع رشة هيل وفانيليا وشوية ليمون لازم يكون الكيس قماش ويتحمل العجينه ونشكلها اصابع اومثل الشكل اللي سويته ونصبه بصينيه مدهونه زيت وبعدها نحمي النار على نار متوسطه ونقليه حتى يستوي بعدها بشيره بارده وثقيله
القطايف كانت روووعه من احسن الوصفات اللي جربتها :
بالخلاط كاس ونص دقيق كاس ونص ماء م ك باكينج باودر فنجال سكر 2 م ك حليب بودره ونشكلهم على الصاج يكون حار بس على نار متوسطه علشان ماتحترق اوتحمر بزياده حشيتها قيمر والطازجه افضل وخلطت معها ملعقه جبن كيري ورشيتها فستق والشيره بالنص للي يحب
هنا صوره على السريع للطاوله قبل تجهز المقليات جاهزه كبه واصابع توست والسلطات والمرقوق وصينية البطاطس والباستا 
طبخت اللحم من العصر وقبل العشا اضفت له شرايح سمبوسه كنت مقطعتها من بدري وبالثلاجه وخضار وبالضغط لمدة ثمان اوعشر دقايق
كرات البطاطس باللحم جهزتها من بدري بقاع الصينيه بطاطس مهروس او توست ابيض وعليه شوي من خليط الكريمه وفوقها اللحم المفروم وعليه جبن شيدر وموزاريلا بعدها كرات بطاطس مهروسه مع ملح وفلفل وشوي زبده وحليب وغطيتها بكريمة طبخ وملح وفلفل وملعقتين جبن سايل على النار حتى تغلي وغطيتها ورشيتها بجبن وحمرتها قبل العشا 
الباستا صورتها مو واضحه بس كانت لذييذه جدا واهم شي انها سهله وسريعه للجمعات وتجهيزها من قبل اريح مافيها :35:صدور دجاج قصصتها بطول نص اصبع تقريبا حطيتها على النار حتى نشفت مويتها اضفت لها البهارات والثوم المطحون والبهار الايطالي ورشة ملح وبصل وفلفل رومي وحمستها شوي والمكرونه سالقتها ومصفيتها قبل العشا اضفت للدجاج كريمه وملعقتين معجون طماطم ومكعب ماجي وملعقتين جبن حركتها كويس واضفت شرايح الزيتون وبعدها المكرونه وخليتها دقايق بس 
الحلى بعد العشا كيكة جاهزه بالشكولاته خبزتها وقسمتها نصين وحشيتها علبة كريمة خفق وظرفين دريم ويب وكانت ثقيله ومتماسكه ورجعت النص الثاني وسيحت كريمه وشوكولاته خام وملعقه صغيره عسل وغطيتها اهم شي يكون طبقه خفيفه على الكيكه ماابغى اغطي الكيك كامل وزينتها بفراوله ورشيتها سكر بودره كولومبيا تشيز كيك للاخت الغاليه عزيزه روووووعه ومميز طعمه مابين كريمة الفرن والتشيز واعجبهم جدا نسيح كوب سكر وبالصينيه وبالخلاط 300 جرام جبن فيلادلفيا علبة حليب مركز اصبع زبده طري شريحة توست منزوعه اطرافها بيضتين ملعقة فانيليا كوب حليب سايل نخلطها كويس ونصبها على السكر وبحمام مائي ساعه وعشر دقايق على 350 نتركها تبرد ساعه بعدها على الثلاجه اربع ساعات قبل نقلبها نحطها بصينيه فيها ماء مغلي شوي علشان تفك وتنقلب بسهوله
السلطات اخترتها تكون سريعه وماتتغير لوجهزتها من بدري الحمص علبتين حمص مطحون جاهز عصير ليمونه علبة زبادي فصين ثوم كزبره وبقدونس وفلفل حار حسب الرغبه وزيت زيتون وملح كلها بالخلاط زينتها على الوجه زيت زيتون وبابريكا سلطة زبادي عاديه زبادي وثوم وليمون وملح وفلفل اسود وخيار مبشور ولبنه
التبوله التركيه كانت الذ شي رووووعه اخذت طريقتها من الاخت منى قبوري بنجر يقطع ويسلق تقريبا نص ساعه نشيله من الماء ونحط مكانه البرغل المغسول ونخليه حتى يشرب السائل تماما بعدها نقصص البنجر مكعبات صغيره مع بقدونس ونعناع وبصل اخضر ورمان حطيت حبه وحده ونص علبة ذره صغيره وتفاحه خضرا مقشره قصصتها مكعبات اضفت طماطم شيري صغيييره ونص حبه بصل ابيض قصصتها مكعبات صغيره والبرغل جهزتها من العصر وقبل العشا صبيت التتبيله زيت زيتون وملح وعصير ليمون وملح ليمون ودبس رمان وقدمتها
العصيرات كانت مشروب غازي وعصيرات فراوله وتوت والحمدلله على جميع نعمه
انتهى موضوعي :7_5_131:
اتمنى تعجبكم عزيمتي المتواضعه والبسيطه وكانت كمية الاطباق ممتازه بحيث مايزيد شي وينكب وان شاء الله تستفيدون منها ولاتنسوني من دعائكم بالذريه الصالحه :26: