زيارة صديقتي

حبيبتي على حسب متى بتجيكي
اتا عن نفسي احب الزيارات في المغرب,, مرة وحدة صديقتي زارتني و قدمت لها سفرة جدا بسيطة بس الحمدلله كاااافية
قبل ما تجي جهزت براد قهوة و حطيته على صينية مع فناجين, و في صينية ثانية حطيت براد فيه شاي مع كاسات.. أول ماجت ضيفتها كاسة عصير, بعد نص ساعة تقريبا قدمت لها القهوة مع تمر و كيك جاهز و معمول جاهز.. بعدين بعد اذان العشاء قدمت لها الشاي مع بيتزا من المخبز و معجنات (جبن و زعتر و سبانخ و لحمة) جاهزة من المخبز و سمبوسة جاهزة من السوق.. و بسسسس
جدا مريح لاني ما سويت الا المشروبات و الاكل سخنته كله في الفرن ربع ساعة قبل الاكل و بس.. مو ضروري اطبخها في البيت ترى احيانا السوق ارخص و اسهل, تستقبلين ضيفتك و انتي مرتاحة مو تكرفين في المطبخ طول النهار.. شوفي عندك مخبز كارفور, معجناتهم جدا لذيذة و شكلها راااقي و اسعارهم حلوووووة ارخص من المخابز العادية
بالتوفيق