زيارة للعيادة شوفوا وش سوت بيني وبين زوجي!!؟

السلام عليكم بنات وحشتوني ،، مبارك عليكم ماتبقى من الشهر.
بنات ابي مساعدتكم ومشورتكم ..
انا متملكة من شهر وشي وانا وزوجي كنا ماشاء الله سمن على عسل وصارت عنده ظروف في العمل وضغوطات وبدت تتغير نفسيته كل ماكلمته صاير مايتحمل كلمة وكل شي يفسره على هواه وبمزاجه وكنت اسكت واتحمل انه عنده ظروف ومشاكل كبيرة وآخر مشكلة ماتوقعتها توصل لكذا كانت يوم الأربعاء الظهر هو كان في الرياض وقتها لإنه من سكان جدة كان عندي موعد عند اخصائية تجميل وكلمته راح معاي وأنا دايم اسولف معاه على نياتي هو ينتظرني سألني خلصتي وكنت وقتها اسوي تدليك حق الأرداف عندي وصورت له الصورة طبعا ع الواتس وزعل انتي كيف ممكن تشيلي ملابسك برة بيتك قلت له لضرورة احكام قلت عشان الحساسية قال ما أشوفه سبب كفاية وزعل وعصب وبعد ماخلصت الجلسة وأنا طالعة يوم ركبت معاه السيارة حاولت اتأسف منه قال يمكن دايم تسوينها وش دراني عنك قلت والله العظيم اول مرة ولدرجة اني انهرت وبكيت من ردة فعله وحاولت كثير اعتذر شرحت وبررت لكن مافي فايدة قال ابعدي عني وحتى من العصبية كسر جواله ومر مكان اتصالات وآخذ جهاز كشاف وحط فيه الشريحة وقبل انزل قال خلاص بعدين اتفاهم معاك على رسايل ووقتها كان معصب وزعلان ومن امس اتوقع رجع جدة لإنه ماكلمني وأدق عليه يعطيني مشغول وارسل رسايل نصية مايرد وبـ الأخير رد (رجاء لاتدقين كل مادقيتي يزيد اصراري بتركك)

استغربت وتفاجأت بس اتوقع انها تهديد لإنه اذا زعل جداً متهور وعصبي لدرجة الحماقة يعني ما أشوف اللي قدامي والحين بنات ربي يهدي سركم وش السوات وكيف الحل هل اتركه حتى ما أرسل رسايل لين يهدى وينتهي الغضب ولا كيف لإني ضايعة ما أعرف وش السوات..