زيارتنا لاهلي ورضا ابوي ؟ قصتنا غريبه

السلام عليكم
بستشيركم انا واختي في موضوع مهم
موضوع ( صلة رحم)
امي الله يحفضها لنا من النوع الي ماتحب زيارتنا كثير تبي كل اسبوعين مره والزيارة الى الساعه كذا وكذا
يعني المفروض كل جمعه نزورهم عشان بر الوالدين وعشان لايصير جفاء واكيد اغلبكم يسوي كذا
طبعا كلنا عندنا اطفال بس مو كثير عدد قليل جدا ربي يحفضهم
٣
و٢
و١
فقط مو لهالدرجه ازعاج
في الفتره الاخيره مع ولادة احفاد٢ الحين
صارت امي توضح لنا انها ماتحب زيارتنا ابدا ابدا لان تخاف على نظافة البيت


وعلى فكره نقترح عليها نستاجر لها خدامه مستحيل تقبل بدخول خدامه عندها
وحنا مانقصر نشيل كل فوضتنا واي شي تبيه امي نقول تم وحاضر
وتقول ماارتاح الا انا انضف بيدي


اكيد بتستغربون
بتقولون فيه سبب؟
لا والله بدون سبب هذا طبع تحب تجلس لحالها وتدقق في النضافه
وصارت مواقف كثييييير ان تروح وحده منا زيارة لبيت اهلي وننطرد منها حصل هذا الموقف عدة مرات
بتقولون طيب خلاص قللو زيارات ولاتروحون لهم
المشكله الاكبر ان ابوي مو عاجبه نضام امي ويبي يشوفنا كل اسبوع
لدرجة حصل موقف مع اختي حضنها بقوة وقال لاتحرموني من شوفتكم وهو يبكي والله العظيم تقطعت قلوبنا عليه
طيب وش الحل بنات وش الحكم في هذي الحاله
امي ماتحب زيارتنا وننطرد اذا جينا
.وابوي بيتقطع على شوفتنا والله دايما يقول المفروض بيت الاهل مايخلى من وجود البنات وحده داخله ووحده طالعه
وحنا بس ٣ بنات متزوجات
ولاتقولون ليش ابوك مايكلم امك
امي شخصيتها جدا جدا جداااااااأا قويه
وش الحل وهل هذا يعتبر قطع صلة رحم
ضميرنا دايما يأنبنا على ابوي
اقسم بالله مرات يمر شهر مانشوفهم
اسبوع تقول بنطلع لاتجون
واسبوع تقول تجمعو لحالكم في شققكم
واسبوع تقول انا تعبانه من التنضيف لاحد يجي
وتمر اسابيع ومحرومين من شوفت ابوي
والله مرات كثير نستأذنها نقول عادي نجيكم نزوركم؟ بعد اذنك يمه
ومستحيل تسمح لنا غير يوم الجمعه ومو كل اسبوع
يعني الدخول لبيت اهلي صعب صعب جدااااااااااا بقوانين صارمه وساعات محدده وباستئذان متعب
اتمنى الي تقرا موضوعي تقول وش الحل في حالتنا
هل حنا اذنبنا بحق ابوي ؟؟
طيب اذا ننطرد من قِبل امي وش الحل
لاتقولون بالتفاهم تنحل
جربنا طرق كثير مايفيد شي
وش الحل بنات