زيارتي لاهلي وش الحل ؟؟

السلام عليكم
كيفكم بنات
انا بادخل في مشكلتي ع طول لانها مشكله من فتره وانا اعاني منها ،،،،،
انا عندي بنت وحده عمرها خمسه سنين وازور اهلي كل خميس بس وعندي اصغر اخواتي عمرها عشره سنين ودايم في كل زياره بنتي واختي تقوم بينهم حرب داحس والغبراء على كل كبيره وصغيره يتضاربوا حتى احيان على اشياء تافهه مره واختي ماشالله جسمها اكبر من عمرها ومليانه يعني يوم تضرب ضربها كأنه ضرب وحده كبيره مرره يألم ودايم تضرب في بنتي وتقطع شعرها وترفسها في بطنها وبنتي مهي قدها ولا تقدر تضاربها صح انها تحاول تضرب بس مهي زيها وان قومت انا وضربت اختي زعلت امي واحترت اش اسوي لانه في مره قمت وضربت اختي لانها قهرتني قطعت شعر بنتي وزعلت امي وجلست طول الزياره تعيد وتزيد في نفس السالفه ومقهوره المهم اني بدأت اكره ازور اهلي من المشاكل ذي علماً ان اختي يدها طويله ع الكل ودايم بين امي وخواتي اللي في البيت مشاكل بسبب مدة يدها لانها ماتحترم احد ولا تخاف وفي اخر زياره لاهلي من يومين اتضاربو بنتي واختي وضربت اختي بنتي كف قوي على وجهها جزء منه جاء على اذنها وهربت لغرفتها وقفلت الباب وجلست بنتي تبكي عند الباب الا تبي تدخل وتضربها وبكت الين اختفى صوتها وخلتني اعصب عليها واضربها عشان تسكت وشلتها من عند الباب والمشكله كان زوجي موجود عشان ياخذنا وسمع صياح بنتي طول وصوتها انبح من كثر البكاء لانها مقهوره الاتبي تاخذ حقها وكمل عليها اني قمت وضربتها من القهر ابغاها تسكت وجاء ابوي واخواني يحسبوون فيها شي والشي اللي يقهر ان امي مافكرت تضرب اختي ولا حتى تحاسبها ع اللي سوته ...والله يابنات مقهوره انا عارفه انهم اطفال ومااحط عقلي بعقلهم بس دايم اضرب في بنتي عند اهلي وقدام خواتي بسبب اختي عشان ابغى بنتي تسكت لاضربتها اختي ،،، ابي حل يابنات والله تعبت انا حامل في الشهر السابع وشايل هم نفاسي عند اهلي كيف ابااصبر على ذي المشاكل 40 يوم وانا ماني قادره اتحملها في زياره ليله وحده ،،،،
بنات انا عارفه مشاكل الاطفال كثيره بس اللي قاهرني ان في كل زياره لاهلي لازم اعصب على بنتي واضربها بسبب اختي عشان تسكت بنتي وسارت بنتي تقولي ياماما مااحب اروح عندهم لانك تضربيني قدامهم وانا والله عجزت اهلي مااقدر اقطعهم ،،
اعذروني كلامي مخربط وطويل لاني اكتب من الجوال