Al-Farasha :

عرضيه على الدكتور و خيشوف تطور نموه شهر بشهر نظامي الساعه 8 الصبح حليب مع نص بسكوت دايجستف بالرضاعه الساعه 12 الظهر غدا و بعطيج افكار للغدا: 1- سبانخ مع شعريه و دجاج و كريمه و مشروم و كمون 2- لحم مفروم مع بصل و طماط و جريش او شوفان 3- سمك و كمون و رز و طماط و كزبره خضرا 4- فاصوليا و بطاط و جزر و برغل و دجاج 5- كوسا مع رز و شبنت و كزبره و طماط و لحم مفروم 6- ذره مع مشروم و كريمه و دجاج و كمون و كزبره ملاحظه الغدا لازم يحتوي على مصدر بروتين انا اعطي يوم سمك يوم لحم بقري يوم دجاج و البهار كزبره ناشفه و كمون و يانسون الساعه 2 ونص رضعه حليب بس اذا الغدا سمك اعطيها رضعه عصير برتقال مع تفاح او برتقال مع خوخ المهم مصدر فواكه طازجه مو عصير معلب و بعدين تتنام لما تقعد من النوم اعطيها حليب او عصير او لبن بعدين روب فواكه فراوله او مشمش او روب عادي و حطي عليه رشه زيت زيتون بس بنتي يوم حبت روب الفواكه كرهت الروب العادي و بعدها على الساعه 8 شوربه عدس او خضار و اذا ما قدرت اسويها اعطيها حليب الساعه 10و نص حليب مع بسكوت او توست و لبنه او جبنه بعدين نوووووووووووم و خلي ولدك بالارض يلعب و خلي حوله العاب شي قريب و شي بعيد عشان يتشجع يوصل للبعيد و خلي الالعاب البعيده شي ملفت له حتى لو يصيح خليه يعتمد على نفسه انا كنت اخليها تصيح مده طويله و ما يهمني المهم تحاول و ما تعتمد علي

عرضيه على الدكتور و خيشوف تطور نموه شهر بشهر نظامي الساعه 8 الصبح حليب مع نص بسكوت...