زيارتي لعالم الثلج

بنات حبيت انقل لكم معلومات عن زيارتي لعالم الثلج الي بالدمام والله انبسطنا كثير:39:
عالم الثلج هذا موجود في حديقه الكوبرا في منتزه الملك فهد
اول ما وصلنا حديقه الكوبرا قطعنا تذاكر الدخول للحديقه الشخص ب10 ريال ولعالم الثلج الشخص ب25ريال طبعا الدخول للحديقه عوايل بس عالم الثلج الفتره الصباحيه رجال والفتره المسائيه(من4الى11)للنساء فقط طبعا احنا رحنا الفتره المسائيه
وصلنا لعالم الثلج ودخلت انا والبزران ...................وزوجي جلس بره على الكراسي ينتظرنا
المهم اول ما دخلنا استقبلتنا وحده اخذت منا التذاكر وفتشت الشنطه حقتي لأنو ممنوع جوال الكاميرا وطبعا جوالي كاميرا فاحتفظو به عندهم بعدين دخلنا غرفه الملابس***************هم يوفرون لك جكيتات وابوات خاصه بالثلج بس انا كنت جايبه معي من البيت جاكيتات وقبعات وقفازات اخذت بس الابوات كانت الابوات مرميه على الارض والجاكيتات كمان ومنظرها مقرف:09::09:
واستأجرت صندوق للأمانات ب10ريال عشان احط شنطتي بعدين دخلنا لقاعه الثلج وهي عباره عن قاعه مستطيله كبيره وفيها الثلج على شكل منحدر (زحليقه) والقاعه بااااااااااااارده كأنك في فريزر
طبعا ما تحملنا البرد وخذت لعيالي جاكيتات زياده من عندهم
المهم ما اطول عليكم من اول مره تزحلقنا بنتي خافت:icon33: وطلعتها عند ابوها وضليت انا وولدي نتزحلق بس من البرد كنا كل شوي نطلع برا القاعه نتدفا شوي ونرجع
ضلينا تقريبا ساعه وبعدين طلعنا خبركم ابو الشباب طفش من الانتظار
وبس
والي حابه تستفسر عن اي شي انا في الخدمه