زيارتي للدكنور مأمون العوض ... موقف يفشل..!!

السلام عليكم ورحمة الله وبركاته
كيفكم يا حوائيات ...
اليوم كان عندي موعد عند الدكتور مامون العوض عشان اجهاضاتي المتكررة (وأول مرة أدخل عليه )
الموهم الدكتورة حصة قالت من يوم تحملين تعالي سويت تحليل الحمل في البيت وبان حمل ..!!
رحت لها على طول ... وحولتني على الدكتور مأمون ولا سوت لي تحليل حمل قلت لا أني بس مسوية تحليل منزلي
قالت طلعت النتيجة ايجابية قلت ايه قالت خلاص ..
المهم يوم رحت اليوم للدكتور مأمون سوا لي أشعة ولا بان شي قال كم لك عالدورة قلت بقي يومين قال يمكن لسا صغير وما بان ...!!!

قال وين سويتي التحليل فيه ؟
قلت له اني سويت تحليل في البيت .
قال رحي سوي تحليل الحين في غرفة الفحص .
ورحت سويت ... نفس علبة التحليل المنزلي
الموهم وأنا أنتظر النتيجة :time:

يوم كذا قالت ما فيه حمل .... عطتني التست

طيرت عيوني وجلست أضحححححححححححححححك ..!!
اقطع أم الفشيلة ...!!
قاعدة أتدلع على زوجي وأحس أني تعبانة ...
ماقد توهمت معقولة هالمرة أتوهم ز..
وضححححححححححححححححك
رحت للدكتوور قلت له النتيجة سلبية قال تعالي السبت اعيد لك
ثم قال وريني التست
يوم وريته اياه
جلس يدقق قال فيه خط ثاني خفيف .
قال :أنتي رايحة كثير لدورة المياه قلت 3 ممرات من قمت
قال عشان كذا ما طلع الهرمون مركز ..
قلت طيب أجي السبت تعيده ...
قال لا خلاص ما دام بان فيه حاجة ان شاء الله فيه حمل ..
وقال لي استمري عالكلكسان ..والاسبرين والمثبتات ..
وتعالي بعد أسبوعين نعيد الأشعة ...
ان شاء الله يكون بان ..
وسلامتكم ..