صباح الخير
من زمان وانا اسمع مدح فضيع لمطعم أسماك النافورة
وقررت اروح له
طبعا ايام نهاية الاسبوع بوفيه مفتوح
انا ما احب البوفيهات احس الاكل ماصخ وبارد ، مدري ليه ما احبها
المهم..
من زمان وانا بعزم اخوي
فعزمته على اسماك النافورة
ويااااليتني ماعزمته عليه، فشيلة هذا المطعم
الصراحة انصدمممت فيه
ماكنت متوقعه بيكون كذا
والسعر غالي على طعمه
طعمه اقل من عادي
بنات اعذروني عالصور، ماقررت انزل الموضوع الا بعد ما اكلنا
انا ماعمري نزلت تقرير عن مطعم
لكن هذا قلت انزل عنه ، عشان الواحد مايروح متحمس مثلي وينصدم
عالاقل يكون عنده
فكره
وطبعا الناس أذواق
ممكن اللي مدحوه معجبهم البوفيه وتنوعه فقط ، مو عالطعم
اول شيء جابوا لنا كروبو مع صوص
ثم طلبنا كان:
صحن مقبلات مشكل 35
التبولة حلوة ، بس قلييييلة ما تجي ملعقتين !!!!!!!
ورق العنب حبتين فقققط لكن طعمه اعجبني
وحمص ، ومتبل ، وبابا غنوج وسط طعمها
انا ماكنت ناوية انزل تقرير الا بعد ما خلصنا فآآآآآآآآآآسفة عالصور اللي بتشوفونها
لكن ابغى تلاحظون كيف صحن المقبلات مو عميق ابد ، يمكن ما يجي عمقه 1 سم
وطلبنا صيادية 85 ريال
الرز حلو
لكن السمك مو حلووووو، ورطب من جوا كأنه ما انطبخ
الصحن كبيير والسمك اللي فيه كثير يمكن ثمان قطع مربعه
وطلبنا روبيان بالليمون والفلفل الحار 59 او49 ريال
طعمه مرة عادي
ويجي معه رز ابيض
وطلبنا سمك هامور بصلصة الفطر مدري بـ59 او 49
احسن من سمك الصيادية ، يعني طعمه احلى شوي
الخدمة مو حلوة
صحيح المكان حلو ، لكن طفشت الى ان جاء ياخذ ايش الطلب
ثم طوووول ما وصلنا طلبنا
المكان مرة حوسة
مارتبوا مكان البوفيه مرة معفوس
حتى باقي صحنين حلى ماشالوها من بعد بوفيه اليوم اللي قبل
عاد ممكن احد يروح ويقول حلو
لان الناس اذواق
بس حبيت انزل تجربتي