كوبونات الراقية تسجيل الدخول

دلوعة زوجيK

زيارتي لمطعم البيت الايطالي بالرياض ومواقف

السياحة والسفر •



السلام عليكم ورحمة الله وبركاته
اخواتي وحبيباتي بنات حواء

في مساء جميل ، توجهنا لمطعم البيت الايطالي بالعليا على طريق الملك فهد
وسبق وأن جربناه أكثر من مرة وأعجبنا ، ثم قررنا زيارته بالامس لتناول طعام العشاء

وعند الدخول للمطعم ورغبتي في تصويره لأجل حبيباتي بنات حواء .. ماامداني آخذ كم صورة الا ورئيس القراسين جاي طاير مانشوف الا غبرته:30: يقول لاااااا ممنوع التصوير.. ،
رد عليه زوجي وقاله:angry2: هذه اول مره ندخل مطعم يقولون انه ممنوع التصوير شي غريب لان حنا اصلاً مسوين دعايه لكم بعد
المهم مشيناها ـ ورحنا للجلسة وطلبنا طلباتنا ، وبعدين جاب لنا المقبلات اللي يجيبونها بالعادة تصبيرة ..

طولوا علينا بالطلب وماهي بالعادة يطولون .. ثم جابوا العصير اللي كنت طالبته لولدي ،مع انه هذه اول مرة اخذه معي يوم جينا نطلع من البيت صيح:icon33: قال ماما خذوني معكم رحمته :44: وقام ولدي الله يهديه بياكل من الخبز والزيتون المهروس وكب العصير كله والمشكلة مابعد شرب منه شي ووصخ الطاولة والكراسي وانكب على ملابسنا :(
والصراحه كان شكل العصير يشوق والظاهر ان عيونا كلنا كانت فيه

بعدها غيرنا الطاولة وجابو لنا خبز ومقبلات جديدة ، وبعد هالحوسة كلها جابو طلبنا
وصورته اخليكم مع الصور




1

المطعم من الخارج

2


3


4

5

6

الصورة طلعت مرجوجة بسبته:mad: الله يسامحه هذا المدخل على اليمين عزاب وقدام وعلى اليسارعوائل


7

هذا شكل قارب حاطينه بالمدخل

8


10

عصير ولدي 10 ريال اللي ماشربه

11

بيتزا بالخضار السعر45ريال اول مرة نطلبها بس حلوة اللي نطلبها العادة بيتزا الفطر تجنن ونطلب معها الرز بالفطر ا
مرة احبه

12

استاكوزا السعر 120 كل مرة نروح نطلبه يقولي زوجي احسن مطعم يسوي استاكوزا مع اني مااكل كل البحري
الله يكرم النعمة

13

14


واخر صورة الديكور اكثر مايعجبني مرة حلو وشكله رومنسيي يناسب المتزوجين بدون اطفال هذا القزاز على الاطراف على شكل فقاقيع والجدران مرسوم عليها اسماك نحس كننا قاعدين بالبحر والسقف كنه سطح البحر بس بجد تصميمه رائع


بالنهاية ماحسينا ان الجو مر علينا زي المرات اللي راحت ولا الاكل لكني حاولت اتظاهر ان الجو زين والامور تمام :27:
وكنت احاول اننا نستمتع بجلستنا وماخلي احد يعكر علينا مع العلم ان المرات اللي راحت كان فيها ترحيب ولطافه اكثر من العاملين اللي كانوا فلبينيين لكن هالمرة بصراحة ماشفنا الاعاملين عرب ولاشفنا منهم أي بوادر استقبال حسن او ترحيب او حتى ابتسام لزوار المطعم

ختاماً .. لاتبخلون على بملاحظاتكم وأرائكم بالمطعم
واتمنى ينال اعجابكم :26:
اختكم :دلوعة زوجيk
4
21K

يلزم عليك تسجيل الدخول أولًا لكتابة تعليق.

تسجيل دخول

عضوه عالم حواء
عضوه عالم حواء •
الله يهنيكم رووووووووووعه
طفله عشرينيه
طفله عشرينيه •
شوقتيني اروح له
أم محـمـد
أم محـمـد •
خرب الموضوع بالاخير ولا كنت متحمسه اروح له ..

لو تحبين البحر شوفي مطعم جزيرة الاحلام بطريق الملك فهد قبال الفيصليه رووووووعه كانك صدق بوسط البحر اغلب الاكل صينى بس عندهم لحم ودجاج .. المكان روعه لا يفوتك

وبالنسبه للمطعم الايطالى انصحك بواحد على طريق خريص قبل محل السيارات يجى على اليمين وانتى جايه من الشمال نسيت اسمه يا ربي المكان والاكل اكثر من رائع
حسونه الانيقه
حسونه الانيقه •
مشالله تتهنون يارب