انا رحت لخبيره تجميل لقصد تفتيح بشرتي .. لان قرأت في مجله الجميله تقول ان المواد الطبيعيه بطيئه النتيجه وان الاقنعه الجاهزه هي عباره عن خلاصة هذه المواد الطبيعيه ومفعولها اسرع ... طبعا انا اتكلم عن الماراكات العالميه مو فيد اوت وربعها ..
المهم خبيرة التجميل سوت لي اختبار البشره وكانت دهنيه من الدرجه الثالثه من خمس درجات يعني المسام مسكره ومافيه حبوب الحمدالله ... وإلي بشرتها مثل بشرتي تحاول اذا كانت تبغى تتبع نصايحي ..
نصائح خبيرة التجميل ..
اول شي قالت لازم تهتمين بتنظيف بشرتك بالميلك والتونيك تحت اي ظرف كان سفر وغيره ولا تستخدمين مناديل التنظيف الي اذبحونا دعايات لانها مظره للبشره جدا (( مره انا كنت اللّون بألوان كريلك وتوسخ الجدار فجبت صابون ومويه وعيّه يروح بعدين رحت جبت هذي المناديل وتصدقون انه راح هذا يدل على انه فيها مواد كيماويه قويه )) و وصفت لي الميلك والتونيك حق ماركة H2O حق البسره الدهنيه لانه يساعد على قلق المسام ..
تنظيف العيون طبعا يختلف ولا تقولي مره وحده بنظفها بميلك التنظيف حق وجهي .. تراه شي خطير لانك ترهقين البشره الحساسه الي هوالين عيونك وهذا يعجل ظهور التجاعيد والسواد وكل البلاوي .. يعني لازم تستخدمين منظف خاص وامدحت لي منظف العيون بالبابونج للبشره الدهينه من بدي شوب وبشويش وانت تنظفينها مو تدعكين دعك كنك تدعكين قدر
الصباح وصفت لي كريم العنايه النهاري من برنامج تفتيح البشره من H2O
وبعدها بعشر دقايق احط على وجهي واقي الشمسي من نفس الماركه ايضا من برنامج تفتيح البشره وبالليل وهو الاهم بعد ما انظف وجهي احط كريم الليل من نفس الماركه ومن نفس البرنامج ... وتقول لازم اي بنت من بعد سن العشرين تستخدم كريم الليل لانه تكون البشره بوقت النوم متهيئه لان تستفيد من المواد المغذيه .. طبعا هذي الاشياء راح تفيدها لما تصير بسن الثلاثين ماراح تكبر البشره ابدا ..
وكريم مغذي حوالين العيون من كلارنس لانها ماركه خفيفه على البشره طبعا للي اعمارهن فوق الثلاثين لازم تاخذ كريم شد حوالين العينين
ونهاية كل اسبوع يعني يوم الجمعه راح تكون بشرتاما بالنسبه لتنظيف الوجه فقالت لي معلومه خطيره ...........
قالت لي ان معظم الحريم ينظفون وجيهن كل ست شهور سبع على كيفهن بعدين يقولن ما استفدنا شي كل الفايده اول يومين بعدين خلاص ..
الهدف من تنظيف الوجه انه يخلي الكريمات الي انتي قاعده تستخدمينها بشكل يومي اكثر فعاليه لوجهك يعني الزبده ان يخلي وجهك يستفيد منها اكثر .. يعني اذا سويتي تنظيف بخار وجه بدون كريمات عنايه معناها كنك يابو زيد ماغزيت .. والكريمات بدون بدون تنظيف وجه معناها انطر ياغازال لين يجيك الربيع ك مرهقه طول الاسبوع من الشغل .. لازم تسوين هالقناع يساعد على تفتيح البشره وتوحيد لونها ..
تنظفين بشرتك زين .. بعدين تسوين صنفره بحك بشكل دائري على بشرتك وبعدين تنظفين بشرتك زين .. بعدين تحطين قناع وهو عباره عن ( ملعقه خميره ملعقه زبادي وكل ماكان معفّن يعني منهي مدته افضل و 3 نقط ليمون او خل وملعقه صغيره زيت زيتون وللبشره الدهنيه بدون )
وبعدين لما تحطين القناع لازم تريحين على الكنبه يعني تسترخين لمده ربع ساعه مو تحطين القناع وتشتغلين تكنسين وتمسحين وتطبخين تراه ماينفع ابد وإلا كأنك يابو زسد ماغزيت (غثيتكن بهالمثل :o) وبعدين ترجعين وتنظفين وجهك تنظيف عميق وبعدها بتشوفين البياض والنعومه الخطيره
وبنسبه لصاحبات البشره الدهنيه امثالي لازم يستخدمن قناع الطين لانه من جد خطير خطير خطير
ارجو اني افدتكم .. وانا والله ماشيه على هالنظام والحمدالله بشرتي في تحسن وكلن يسألني وش انتي مسويه
مخطوبه @mkhtobh
عضوة جديدة
يلزم عليك تسجيل الدخول أولًا لكتابة تعليق.
مخطوبه
•
:44: ما ادري ليه موضوعي صار ملخبط شوي
تسلمين اختي مخطوبه ....افدتينا :26:
بس وين نلاقي ماركة HO2? وهل تناسب البشره الحساسه ؟ وكيف الاسعار؟
انتظر ردك يالغاليه :27:
بس وين نلاقي ماركة HO2? وهل تناسب البشره الحساسه ؟ وكيف الاسعار؟
انتظر ردك يالغاليه :27:
مخطوبه
•
سهورة الاموره ..............
ماكره H2O
موجوده بمجمع الراشد الي بالشرقيه وهي ماركه تعتمد في تركيبها لكريماتها على المويه ونسبه المواد الكيميائيه قليله جدا مقارنه بالماركات الاخرى وهي تصلح جدا للبشره الحساسه لانه خفيفه على البشره واسعارها وسط يعني اقل شوي من الماركات الثانيه مثل شانيل وكلينك ....
وترى عندهم صنفرة للجسم فضيعه للبقع العميقه الداكنه ابصراحه انا استخدمها لجسمي ولي الحين اسبوعين وفعلا بينت النتيجه ومع الصنفره كريم مقشر احماض الفواكه ... وبالاضافه للخلطه الي اخذتها من المنتدى حق التفتيح احس ان بشرتي رقيقه مره وناااااعمه :27:
ماكره H2O
موجوده بمجمع الراشد الي بالشرقيه وهي ماركه تعتمد في تركيبها لكريماتها على المويه ونسبه المواد الكيميائيه قليله جدا مقارنه بالماركات الاخرى وهي تصلح جدا للبشره الحساسه لانه خفيفه على البشره واسعارها وسط يعني اقل شوي من الماركات الثانيه مثل شانيل وكلينك ....
وترى عندهم صنفرة للجسم فضيعه للبقع العميقه الداكنه ابصراحه انا استخدمها لجسمي ولي الحين اسبوعين وفعلا بينت النتيجه ومع الصنفره كريم مقشر احماض الفواكه ... وبالاضافه للخلطه الي اخذتها من المنتدى حق التفتيح احس ان بشرتي رقيقه مره وناااااعمه :27:
الصفحة الأخيرة