السلام عليكم ورحمة الله وبركاته
هلا خواتي الغاليات :27:
اليوم بكلمكم عن زيتي المفضل واللي ما اقدر استغني عنه أبدا أبدا أبدا :)
تبون تعرفون ليش؟ لانه غير شعري 180 درجه الصراحه ما توقعت ها النتيجه :32: انا بقوللكم كل شي بالتفصيل الممل لان هدفي من كتابة الموضوع الفائده للجميع :) لما كنت صغيره كان شعري طويل وكثيف والكل كان حاسدني عليه لان امي الله يرحمها كانت دايما تعتني بشعري انا وخواتي
بس بعد ماكبرت تغير شعري صار يتساقط وكل هذا بسبب الحساد :06: كانوا دايما يسألوني شو تستعملين حق شعرج وبالمدرسه كانوا البنات يمسكون شعري ويطالعونه :29: المهم بعد ما قام يتساقط قمت وقصيته من القهر وصار كل ما يطول شوي على طول اقصه وكان يتساقط بشكل فضيع حتى اني رحت للدكتور وعطاني فيتامينات حق شعري بس ما نفعتني بس الحمدالله بعد فتره التساقط خف لاني مره قريت اهنيه بالمنتدى عن زيت دابر املا فجربته وحسيت انه خفف التساقط بس تركته علشان الريحه :09: ماعلينا المهم لاعت جبدي من كثر ما اروح الصالون وقص شعري فقررت اني خلاص ما روح صالونات واني اعتني بشعري وطوله علشان يرجع مثل ما كان قبل فكتبت مره موضوع اسأل فيه البنات عن أحسن زيت ينباع بالجمعيات ويكون زين للشعر فقالتلي احدى الاخوات الله يجزاها خير استعملي زيت براشوت اللي ينباع بقسم الطبخ أكيد عرفتوه زيت برشوت الخاص بالاكل لانه مصفى وطبيعي ومب مغشوش حتى ريحته لما احطه بشعري يذكرني في كاكاو باونتي :42: المهم شريته وصرت احطه يوم ويوم لا ها السالفه تقريبا من سبع شهور ولاحظت اني كل ما نتظمت في استعماله شعري يطول بسرعه ويصير حلو واذا تركته فتره شعري يضل مثل ماهو ما يطول والله يا بنات انه اكثر من روعه صرت ما استغني عنه كل ما خلصت قاروره اشتري ثانيه والى جانب الزيت صرت احني شعري مره في الاسبوع واحيانا مرتين في الاسبوع وحطي مع الحناء عسل وماي الحلبه أغلي الحلبه وآخذ مايها واعجنه مع الحناء وحطي بعد مايونيز وروب وكركديه علشاان يصير لونه احمروليمون والحين شعري ماشاءالله لين ظهري وبالنسبه للكثافه احسن من اول بوايداحس اني اذا استمريت على ها الزيت والحناء ما بتمر سنه الا شعري بأذن الله تحت ظهري اي صح ومن تقريبا اسبوعين صرت استعمل كريم دابر اللي بزيت زيتون والصبار احطه بعد ما اغسل شعري ونشفه عاد هذا توني استعمله للحين ماشفت نتايجه بس كل اللي لاحظته انه ينعم الشعر ويلمعه وما يسبب جفاف مثل باقي لكريمات ولا يخلي الشعر ينفش :23:
هاذي قصتي مع شعري يا الله عاد ابي اشوف التفاعل والردود اللي تشرح الصدر ولا تراني بزعل عليكم وبحذف الموضوع هههههههههههههههههههه:42:
يلزم عليك تسجيل الدخول أولًا لكتابة تعليق.
(( جنـــــــــــــان ))
•
اوه نسيت اقوللكم اني يوم احطي الزيت بشعري أدلك فروة الراس تقريبا خمس دقايق وبعدين اغطي شعري بالبلاستيك ونام فيه :02:واغسله لما اصحى :27:
بنت العز
•
الله يهنيك في شعرك ان شاء الله ..
انا عن نفسي ماخرب شعري الا الصبغات تساقط وجفاف من جهه ويزيت من جهه ثانيه كله من الخصل الله لايعيدها ..:
وهذي لك على المجهود ..:26: :26:
انا عن نفسي ماخرب شعري الا الصبغات تساقط وجفاف من جهه ويزيت من جهه ثانيه كله من الخصل الله لايعيدها ..:
وهذي لك على المجهود ..:26: :26:
ام رهف ورناد العفووووو عنوني :26:
mznah شكرا اختي على مرورج :27:
بنت العز تسلمين اختي ومشكوووووره على المرور :26:
mznah شكرا اختي على مرورج :27:
بنت العز تسلمين اختي ومشكوووووره على المرور :26:
الصفحة الأخيرة