زيت البابونج من افيد الزيوت على الاطلاق

السلام عليكم يا بنات وستات حوا الحلوات
هاى اول مشاركه اللي على هادا المنتدي رغم اني مش عارفه اتحرك فيه وحاسه حالي زي اللي كأني بمتاهه مش عارفه وين ابدا وين اروح
المهم حبيت افيدكم بشي من الحاجات اللي انا بستعملها وبعرفها وانشالله يا رب تجربوه ويعجبكم
زيت البابونج (الكاموميل)
هادا زيت انا بعمله بالبيت وبستخدمه للشعر والبشره والجلد
وبخلطه مع الزيوت التانيه بصراحه انا مرتاحه عليه كتير وما بستغنى عنه بالمره اعملوه علشان اتضيفوه للزيوت اللي بتستخدموها لانو كتير مفيد وانا قرأت عنه بأكتر من مكان
طريقة عمله كالتالي :
فنجان زيت زيتون + ملعقتين من زهور البابونج
طريقة العمل
نضع وعاء من الماء ونضع داخله وعاء اخر اصغر منه بالحجم
ونضع بالوعاء الصغير الزيت
نضيف زهر البابونج على الزيت ونترك الماء تغلي لمدة تتراوح ما بين خمس لعشر دقائق
بعد ذلك نرفعه عن النار ونتركه حتى يبرد
ثم نصفي الزيت مع البابونج بشاشة نظيفه
نكون بذلك حصلنا على زيت البابونج
على فكره انا بستخدم هادا الزيت لشعري وشعري مصبوغ جربوه ورح تستفيدو انشالله
شكرا الكم جميعا