حبيت افيدكم انا لمن دخلت الاسبوع 39 اهلي طفشوا مني
والكل يسال ماولدتي وش ذا البطن وش كبره صارت اخلاقي مرررره زفت
المهم طلبت زوجي يروح لصيدليه ويجيب زيت قال ليش قلت لاختي لشعرها عاد هو استغرب
بس مشت عليه لانه يخاف من ذي الاشياء
لمن جا بالليل اخذت عصير برتقال وحطيت عليه يمكن 15 او 10 مل زيت وشربته
وقريت على بطني ونمت كانت الساعه تقريبا 2 بالليل
لمن جت الساعه 7 صحيت احس بشويت مغص عااديه الي تجي بالتاسع دايما
رحت سويت لي حليب وحطيت 3 اعواد قرفه و3 اعواد قرنفل وملعقتين عسل
وجلت اتغصب فيها لانها حاااااااااااااااليه المهم وامشي بالبيت اهلي كانوا عندي
كان يشد علي الالم بس ماتوقعتها ولاده ابداااااا مو ذاك الالم
كلمت زوجي قلت ايش رايك توديني المستشفى قال ليش ولاده قلت يمكن قال نزل شي قلت لا بس احس بمغص قال انتظري لين 12 الظهر طبعا ابوي قال باوديك قلت بنتظر مو ذاك الالم
المهم جا ابو الشباب وراحت امي معي وصلنا للمستشفى سالوني نزل شي قلت لا
حطوني بغرفه كنت اسولف مع امي وزوجي ويجي مغص كنت اذكر الله ويروح عااادي
المهم كشف الدكتور قال 6 سم خلاص قربت ولادتك كانت الساعه 2
ماجت ولله الحمد 3 ونص الا ولدت وكانت ولاده سهله يارب لك الحمد لازم من الالم والتعب
بس مو زي الطلق الصناعي في حملي الاولي ماكنت اقدر اتنفس من قوته
عارفه طولت عليكم بس حبيت تستفيدون
والا روحي لدكتوره وخليها تعمل لك تحريض لعنق الرحم

اهلين حبيباتي
راح اقول لكم تجربتي
انا شربت زيت الخروع في ولادتي الثانيه لأنه كان معي طلق خفيف وبارد يجي ويروح لمدة اسبوعين
ولما نصحوني فيه وشربته الحمد لله ولدت قبل اكمل 24 ساعه وكله توفيق وفرج من رب العالمين
والحمد لله على كل حال

صدقيني والله مايفيد انا دكتورتي قالت اشربي ملعقتين وانا ابغى افتك شربت القاروره كامله

وما ولدت الا بعد اسبوع

انا الحمد لله جربته بعد ماقالت لي طبيبتي
والحمد لله شربته الساعة 9مساء وولدت الساعة 1بنصف الليل
وكل خواتي لازم يستعملنه

لااختي هذه كانت الولادة الثالثة
الدكتورة قالت لي اشربي فنجال قهوة في حليب دافي
كان موعد ولادتي على يوم4 ويوم ولدت كان التاريخ 19
فكنت خايفة من الطلق
وطبيت بأردى
الحمد لله على كل حال