زيت الخروع والحبة السودة ... والسدر بعد

قوه بنات :)

شخباركم وشمسوين ؟؟

بات بسألكم واتمنى القى منكم الاجابة بسرعه << تتشرط بعد هههههه

المهم بنات انا باجر بروح اشتري زيت خروع وحبه البركه او الحبه السوده انشالله ..

بس ابي اعرف منكم الاصلي اشلون يكون؟

لأن انا مره شريت خروع وكان اصفر ذهبي ، ومره لقيت عند عطار ولونه اخضر زيتي مايل للأسود ، ويقول انه الاصلي وان الذهبي انجليزي مو اصلي .

يا ريت تفيدوني عن الاصلي شلون يكون حق الزيتين الي ذكرتهم ؟؟

وعشان افيدكم دام اني حاطه موضووع ..

انا بخلي العطار يخلط لي زيت لوز وخروع وزيتون والحبه السوده، لأن مره اذا تذكرون كنت حاطه موضووع عن الهنديه الي في الصالون، اهيا قالت لي اذا تبين شعرج يطول ويكثف خلطي هالثلاث زيوت..

وترى عن الزيتون واللوز قالت مو لازم من العطار حتى لو الي ينباع بالبرادات / البقالات الي اتيي علبه صغيره وضعيفه وغطاها احمر ..

وانا قلت احط زيت الحبه السوده زياده لأن تعرفونها وتعرفون انها مثل ما قال الرسول عليه الصلاه والسلام انها شفاء لكل داء الا السام ..

وووبس

وفي شي بعد بس مادري << ادري طوولت وايد ههههه

انا بستخدم السدر بس ابي رايكم شنو احسن اخلطه مع الزيوت؟ يعني احطه معاهم على النار ؟؟

ولا استخدمه بروحه ( اغليه مع ماي وكل يوم بليل احط منه والصبح اغسله )

ولا استخدمه شامبو ؟؟

انا افضل ان الطريقه الاولى ولا الثانيه لأن احس الشعر راح يستفيد اكثر ..

والي افضلها اكثر اهيا الثانيه ..

يعني بستخدمه بالطريقه الثانيه اسبوع ولا اسبوعين وبعدها بستخدم الطريقه الاولى ..

عارفين عشان شعري يقوى، لأن مادري حطيت سالفة شعري الي حطيت فيه خلطة 5 ثومات ومادري اشصاده وقاعد يطيح بالهبل ..

ف بس ابيه يقوى واعتقد اسبوعين كافي اذا كنت بالاسبوع الاول احط كل يوم وبالاسبوع الثاني يوم وترك ..

وبعدها احط الزيوت ومعاهم سدر ..

والشامبو مادري احتمال استخدم فاتيكا لأن ناسبني ..


بس ابي رايكم احسن عشان مو اسوي سالفة الثوم الي ما استشرت احد فيها وعدمت شعري :(

وبنات اخر شي نصيحه مني استشيرو قبل لا تحطون اي شي ..

انا ال 5 ثومات كانت خلطتهم 5 فصوص وانا حطيت 5 حبات، بنات والله شعري صار مسكين يكسر الخاطر وكئيب ومافيه حياه واحس الفروة بدت تبين .. مع ان كان واااااااايد حلو ماشالله لمعه وكثافه ونعومه .. بس الله يهديني طمعت وقلت ابيه احسن وما استشرت احد

والحين والله كل ما احط راسي عالمخده 5 دقايق اقوم اشوف على المخده شعر :(

عشان جذي بنات اهم شي استشيرو رفيجاتكم والي تعرفونهم قبل اي خلطه فيها شي مثل الثوم او شي نادرا مانستخدمه حق الشعر ..

وسامحووني طولت عليكم .. :)

<<< وايد هذرت ههههههه من الملل ..

يلا بنات مع السلامه

انتظر ردودكم :)