زيت الزيتون قد يكون علاج للمتأخرات عن الحمل

يابنات ما اروح لدكتوره إلا وطلعت فيني عيب يختلف عن العيب اللي طلعته لي الدكتوره اللي قبلها
3 دكتورات رحت لهم (1الدوره غير منتظمه-2-ارتفاع هرمون الحليب -3-ضعف اباضه)
ويمكن لو اكمل للدكتوره الرابعه تطلع فيني تكيسات لا سمح الله
بحثت في النت عن اسباب تأخر الحمل غير المذكوره لقيت في شي اسمه حموضه عنق الرحم وهي تقتل الحيوانات المنويه فور وصولها للرحم ..
بحثت اكثر لقيت انه له علاقه بحموضه الدم وقلويته ..
الحيوانات المنويه تكون قلويه في الاصل يعني كلما ارتفعت قلويتها كلما كانت اقوى كلما كانت تميل للحموضه كلما كانت اضعف (ومنهم فئه المدخنين) ..
آما رحم المرآه قد يكون قلوي وقد يكون حامضي..
كلها يتحكم فيها الاطعمه اللي نتناولها في حياتنا اليوميه..
نزلت الصيدليه واخذت علاج يحول الدم لقلوي ..ولقيت معه شرائط لفحص القلويه والحموضه في الجسم عن طريق اللعاب أو البول (أكرمكم الله)
الشرائط تكون صفراء اذا فحصتي وطلعت صفراء أودرجات التفاحي معناته حموضه عاليه وأخضر متوسطه بين الحامضي والقلوي واذا طلعت تميل للآزرق وحتى التركواز معناته قلوووويـــه ممتاز ..
ورحت افحص قبل لا استخدم أي شي لقيتني مصفـــــــره الورقه صفرااااء يعني حامضيه بحته ...
اخذت من الدواء وصرت افحص يوميا على الريق وبعد 3 ايام بدآت الورقه تخضر وأترك الدواء يوم واحد وأفحص أرجع صفراااااء وأبداء من جديد المشكله الدواء محلول تحطين منه ملعقه في كوب وطعمه ماينبلع ابدددد(بأشوف لكم أسم الدواء وأحطه لكم بس حاليا ماادري وين حطيته)
وراح الشهر وأنا اصفر واخضر مااستمريت على الدواء ولا قدرت اكمله بالذات اني خفت لأنه مو من وصفه طبيه..
بعد فتره قريت خلطه للمساعد للأنجاب وفيها (7 تمرات شقر ورشاد وزيت زيتون ) وجربتها في الدوره وبعد الدوره اقيس الحموضه لقيتني قلووووويه ولأول مرررره اوصل للأزرق قعدت اتذكر وش اكلت ؟؟ كله من اللي دايما آكله إلا خلطه الرشااااد هذا الشي الجديد ..استمريت على الرشاد والتمر فقط من دون الزيت زيتون ولقيتني مع الايام ارجع للحمضيه قلت شكله مو من الخلطه ..
جربت زيت الزيتون يابنات من ثاني يوم رجعت للأزرق ويميل للتركوااااز ..
(1م زيت زيتون على كوب ماء)
يابنات ولله الحمد والمنه اصبحت قلويه ولما اترك الزيت بالتدريــــــج ارجع للأخضر
الشهر اللي فات ماانتظمت عليه بس هالشهر بإذن الله ناويه استمر عليه وبأنتظام يوميا قلت أقول لكم لعلكم تستفيدون منه وتنجبون أولاد وبنات وتربوهم في عز وثبات :27:
بنات انا توني بأنتظم على الزيتون يعين ماصار حمل لأني للآسف ماانتظمت الوصفه حلوه حتى لو مو عشان الحمل عشان الصحه العامه ..
أتمنى تجربونها وتبشرونا بأحلى الأخبـــــــــــــار :27: