زيت السدر الطبيعي والجرجير روووووعه بس دعواتكم لي/اكتفى من الردود

مرحبا يابنات
انا من كثر المشاكل اللي تصير بشعورنا يوم تصير تهبل ويوم طايحه ومعدومه
قررت احط خلطتي هذي اللي احس انها والله رووووعه بس لازم نستمر عليها عشان تطلع النتيجه

انا اول شعري كان طول وكثافه
والكل يسالني وش تسوين فيه
كنت استخدم زيت الزيتون مره وحده بالاسبوع لمدة ساعه واحيانا استخدم الخبيزه لما يتساقط توقفه
وخلطة الحناء بس من كم شهر جتني عين قويه مررررره وصار يطيح بالهبل لدرجو انه صار خفيف مره ورحت للكوافير وقلت لها قصيه مره قصير يمكن يوقف التساقط لكن ماوقف الين استخدمت زيت مقري عليه وصرت اقرا سورة البقره بنية ان الله يشفيني والحمد لله وقف التساقط بس صار شوي وخفيف
والله كنت بصيح يوم اشوفه خصوصا ان كل هذا صار بس بشهر
بس اخذت اوراق سدر من شجرة السدر يعني اوراق خضراء فريش
وشوي جرجير وحبه سوداء مطحونه وحطيتها بالخلاط مع زيت زيتون طبيعي وزيت سمسم وزيت عافيه وكان عندي زيت ام الهدهد حطيته لانه مقري عليه مع الزيوت
وخلطتها بالخلاط الين صارت مررره ناعمه وحطيتها بعلبة وصرت ارجها كل يوم وبعد 3 ايام اخذ منها اللي يكفيني 3 ايام او 4 والباقي بالثلاجه لانها اعشاب خضراء وممكن تخرب برا
واسخنه شوي وادهن شعري واخليه ساعات او قبل النوم
واحيانا اتركه ساعه واكون مجهزه سدر مجفف مخلوط بمويه واحطه ساعه واغسل شعري
وربي يابنات انه وقف التساقط بنسبة 95 %
ولله الحمد وبدا يكثر الشعر حتى الكل لاحظوا بفتره بسيطه ويسرع نمو الشعر وينعم
السدر الطبيعي ينعم ولا يجفف مثل السدر المجفف
جربوها وشوفوا وقولوا لي النتايج ويارب تفيدكم مثل مافادتني

وسالتكم بالله اللي تفيدها تدعيلي ان الله يوسع علي بالرزق ويبارك لي فيه ويحقق لي كل اللي اتمناه ولها مثلها يارب

وقولوا ماشاء الله ترى العين حق (وربي تعقدت )